ខួប១ឆ្នាំនៃការបាញ់សម្លាប់លោកបណ្ឌិត កែម ឡី នៅហាងស្តាម៉ាត ស្តុបបូកគោ ក្រុងភ្នំពេញ

អង្គការ សមាគម សហគមន៍ ប្រជាពលរដ្ឋខ្មែរ ធ្វើពិធីបង្សុកូល ដាក់ការ៉ោនផ្កា គោរពវិញ្ញាណក្ខន្ធ ខួប១ឆ្នាំនៃការបាញ់សម្លាប់លោក បណ្ឌិត កែម ឡី នៅហាងសាំងកាល់តិចនិងកាហ្វេស្តាម៉ាត ស្តុបបូកគោ ក្រុងភ្នំពេញ ១០កក្កដា២០១៦ ថ្ងៃនេះ១០កក្កដា២០១៧ ។ យើងទាំងអស់គ្នានៅតែចាំនៅតែនឹកលោកបណ្ឌិត កែម ឡី និងនៅតែទាមទារស្វែងរកយុត្តិធម៌ពិតប្រាកដជូនដល់លោកបណ្ឌិត កែម ឡី ជារៀងរហូត ។ សូមឲ្យវិញ្ញាណក្ខន្ធលោក បណ្ឌិត កែម ឡី បានទៅកាន់សុគតិភពកុំបីខាន ! សូមឲ្យលោកបានកើតជាខ្មែរ បានជួយខ្មែរបន្តទៀត ! ។ អរគុណក្រុមស្ត្រីខ្មែរទីក្រុងស៊ីដនីប្រទេសអូស្ត្រាលីដែលបានបូជាការ៉ោនផ្កាគោរពវិញ្ញាណក្ខន្ធលោកបណ្ឌិត កែម ឡី ។ ១ឆ្នាំយុត្តិធម៌នៅឆ្ងាយដូចជើងមេឃ ? "Non-Violence Overcome All Obstacles"

បុណ្យខួប១ឆ្នាំនៃការបាញ់សម្លាប់លោកបណ្ឌិត កែម ឡី យុត្តិធម៌ពិតប្រាកដនៅតែពុំទាន់រកឃើញ

បុណ្យខួបគំរប់១ឆ្នាំនៃការអនិច្ចកម្មលោកបណ្ឌិត កែម ឡី នៅភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ នារាត្រី ថ្ងៃ៩កក្កដា២០១៧ ។ អរគុណនិងជូនបុណ្យកុសលដល់លោក សែម សឿង Mr Sem Soeung Australia ដែលបានផ្ញើរបច្ច័យមកចូលបុណ្យខួប១ឆ្នាំ50$និងចូលកសាងចេត្តិយ៍50$ ។ អាយុ វណ្ណៈ សុខៈ ពលៈ កើតមានដល់លោកអ្នកម្ចាស់បុណ្យបានសុខចំរើនតរៀងទៅ ! និងសូមឧទ្ទិសបុណ្យកុសលដល់លោកបណ្ឌិត កែម ឡី សូមបានទៅកើតក្នុងកំណើតសុគតិភពជាថ្មីលើទឹកខ្មែរជាហូរហែរបន្តទៀត ដើម្បីជួយខ្មែរ ឲ្យមានសុខសន្តិភាព សិទ្ធិសេរីភាព យុត្តិធម៌សង្គម និងរបបប្រជាធិបតេយ្យសេរីដ៏ពិតប្រាកដតរៀងទៅ ! ។ "Non-Violence Overcome All Obstacles"

ភាពយន្តស៊ើបអង្កេតលើឃាតកម្មលោកបណ្ឌិត កែម ឡី របស់ទូរទស្សន៍ Aljazeera TV ភាសាខ្មែរ

តោះទស្សនាទាំងអស់គ្នាកុំបីខាន ! ភាពយន្តស៊ើបអង្កេតរឿង Cambodia's Deadly Politics ឃាតកម្ម លើលោក បណ្ឌិត កែម ឡី របស់ទូរទស្សន៍ Aljazeera TV និយាយជាភាសាខ្មែរ ដែលត្រូវបានអាជ្ញាធរខ័ណ្ឌឫស្សីកែវ បានចុះទៅហាមឃាត់និងនាំខ្លួនក្រុមយុវជនមិនឲ្យចាក់បញ្ចាំងនៅក្នុងផ្ទះកាលពីថ្ងៃ១២ខែមិនា២០១៧កន្លងទៅដោយចោទថា វីដេអូខុសច្បាប់ នាំឲ្យខូចសន្តិសុខសង្គមប៉ះពាល់សណ្តាប់ធ្នាប់សាធារណៈ ប្រឆាំងនិងរាជការសាធារណៈជាដើម ។ គួររំលឹកផងដែរថា លោក បណ្ឌិត កែម ឡី គឺជាអ្នកស្រាវជ្រាវនិងអភិវឌ្ឈន៍សង្គម និងជាអ្នកវិភាគឯករាជ្យដ៏មានប្រជាប្រិយភាពបំផុតនៅកម្ពុជាមុនពេលត្រូវឃាតករបាញ់ប្រហារកាលពីថ្ងៃ១០កក្កដា២០១៦កន្លងទៅ នៅហាង កាល់តិច ស្តាម៉ាត ស្តុបបូកគោ ក្រុងភ្នំពេញ ក្រោយពីរូបគាត់បានវិភាគលើរបាយការណ៍របស់អង្គការ Global Witness ដែលនិយាយអំពីក្រុមគ្រួសារបក្សពួកត្រកូល ហ៊ុន សែន ដែលកាន់អំណាច កាន់សេដ្ឋកិច្ចធំៗ មានភាគហ៊ុននិងលុយច្រើនលើសលុបនៅកម្ពុជា ។ "Non-Violence Overcome All Obstacles"

ផ្តល់ជំនួយមនុស្សធម៌ខ្មែរជួយខ្មែរធ្វើបដាពាក្យស្លោកលោកបណ្ឌិត កែម ឡី

ព្រះតេជគុណ លួន សុវ៉ាត ផ្តល់ជំនួយមនុស្សធម៌ ខ្មែរជួយខ្មែរ ! ជាសទ្ធាជ្រះថ្លារបស់អ្នកស្រី សួន សុភាព និងគ្រួសារនៅទីក្រុង Seattle.Washington State.USA.150$ ជូនដល់ក្រុម សមាគមសម្ព័ន្ធនិស្សិតបញ្ញវ័ន្តខ្មែរ ដើម្បីចាត់ចែងសម្រាប់ធ្វើបដាពាក្យពេចន៍មានន័យខ្លឹមសារជាអមតៈសម្រាប់កូនខ្មែរគ្រប់ជំនាន់ចងចាំនូវបណ្តាំគំរូវីរភាព លោក បណ្ឌិត កែម ឡី ដើម្បីជាប្រយោជន៍ សេចក្តីសុខ សេចក្តីចំរើនដល់សង្គមជាតិតរៀងទៅ ! ២៥កុម្ភៈ២០១៧ "Non-Violence Overcome All Obstacles"

ផ្តល់ជំនួយមនុស្សធម៌ដល់ម្តាយបង្កើតលោក បណ្ឌិត កែម ឡី

ព្រះតេជគុណ លួន សុវ៉ាត និងព្រះតេជគុណ ញ៉ ទេពមុនី នាំយកថវិការខ្មែរជួយខ្មែរ ផ្តល់ជូន ឧបាសិកា ភោគ សេ ដែលត្រូវជាម្តាយបង្កើតលោក បណ្ឌិត កែម ឡី នៅភូមិ អង្គតាកុប ឃុំលាយបូរ ស្រុកត្រាំកក់ ខេត្តតាកែវ ព្រឹកថ្ងៃ១២មករា២០១៧ ។ ម្ចាស់អំណោយទានមាន អ្នកស្រី សួន សុភាព និងក្រុមគ្រួសាររស់នៅទីក្រុង Seattle.Washington State.USA.100$, ឧបាសិកា នារី ផលថូ រស់នៅMasachuset.USA.100$ អ្នកស្រី ឈុន អេង ទីក្រុង Lake Wood.California.USA.50$ ។ សូមថ្លែងអំណរគុណម្ចាស់ទានប្រធានបុណ្យសូមបានជួបតែសេចក្តីសុខចំរើនតរៀងទៅ ! ។ គួររំលឹកផងដែរថា លោក បណ្ឌិត កែម ឡី គឺជាអ្នកវិភាគឯករាជ្យនិងអ្នកស្រាវជ្រាវនិងអភិវឌ្ឈន៍សង្គមដ៏ល្បីនិងមានប្រជាប្រិយភាពយ៉ាងខ្លាំងនៅកម្ពុជា ដែលត្រូវបានជនជាឃាតករបាញ់សម្លាប់យ៉ាងសាហាវឃោឃៅនៅហាងស្តាម៉ាត កាល់តិចស្តុបបូកគោ ក្រុងភ្នំពេញវេលាព្រឹកថ្ងៃទី១០កក្កដា២០១៦កន្លងទៅរហូតមកដល់ពេលនេះគឺពាក់កណ្តាលឆ្នាំរយៈពេល៦ខែហើយតែឃាតករពិត ភ័ស្តុតាងពិត យុត្តិធម៌ពិត មិនទាន់ត្រូវបានរកឃើញនៅឡើយទេ ហើយកាមេរ៉ាវីដេអូសុវត្ថិភាពជាច្រើនគ្រឿងដែលថតបានពីសកម្មភាព ឃាតករបាញ់សម្លាប់ក៏អាជ្ញាធររដ្ឋាភិបាលមិនបានបើកបង្ហាញឲ្យសាធារណៈជនបានដឹងការពិតនៅឡើយទេ ។ សូមឲ្យវិញ្ញាណក្ខន្ធលោក បណ្ឌិត កែម ឡី បានទៅកាន់សុគតិភពកុំបីខាន ! សូមឲ្យសុខសន្តិភាព សិទ្ធិសេរីភាពនិងយុត្តិធម៌សង្គមពិតប្រាកដកើតមាននៅកម្ពុជាតរៀងទៅ ! "Non-Violence Overcome All Obstacles"

អត្ថបទពាក្យកាព្យ វីរបុរសខ្មែរ បណ្ឌិត កែម ឡី

អត្ថបទពាក្យកាព្យ វីរបុរសខ្មែរ បណ្ឌិត កែម ឡី #កែមឡី #KemLey #កំណាព្យ #ចំរៀង ១.កែម ឡី ញញឹមសង្ឃឹមជានិច្ច ខ្មែរនិងមិនភ្លេចបណ្តាំលោកឡើយ រូបកាយស្លាប់ពិតឈ្មោះនៅរស់ហើយ ខ្មែរមិនតោះតើយចងចាំរហូត ។ ២.កែម ឡី ស្លាប់បាត់តែរូបកាយ កេរ្តិឈ្មោះទាំងឡាយបន្សល់នៅ ខ្មែរនិងចងចាំតរៀងទៅ កែមឡី្ថស្ថិតនៅក្នុងបេះដូង ។ ៣.កែម ឡី បណ្ឌិតបេះដូងមាស ព្យាយាមយកឈ្នះពាលឫស្យា មិនលក់ឧត្តមគតិព្រោះដុល្លា ស៊ូក្ស័យជីវ៉ាដើម្បីជាតិ ។ ៤.កែម ឡី គំរូវីរភាព មិនខ្លាចគំនាបគំរាមឡើយ វិភាគសង្គមពិតៗហើយ ដើម្បីត្រើនត្រើយខ្មែរសុខសាន្ត ។ ៥.កែម ឡី បណ្តុះផ្នត់គំនិត ឲ្យខ្មែរចេះគិតពិចារណា រឿងជាតិទឹកដីព្រៃព្រឹក្សា ជួយជាតិខេមរាឲ្យគង់វង្ស ។ ៦.កែម ឡី វីរជនខ្មែរដ៏ល្បី លោកមានស្នាដៃនិយាយពិត រឿងសង្គមជាតិហេតុការណ៍ពិត ឲ្យខ្មែរចេះគិតខុសនិងត្រូវ ។ ៧.កែម ឡី ឯករាជ្យវិភាគសង្គម រឿងតូចរឿងធំឲ្យខ្មែរយល់ ឲ្យមានបញ្ញាសម្ភាសន៍ផ្តល់ អ្នកស្តាប់ងាយយល់ពត៌មានពិត ។ ៨.កែម ឡី លះបង់ក្រុមគ្រួសារ បំរើជាតិសាសនាពលរដ្ឋខ្មែរ ផ្លាស់ប្តូរសង្គមនិងកែប្រែ ឲ្យខ្មែរនិងខ្មែរសាមគ្គីគ្នា ។ ៩.កែម ឡី សំដីពេជ្ររំលេចពាក្យ និយាយវិភាគរឿងនយោបាយ ប្រើសំដីពិតនិងលេបខាយ អ្នកស្តាប់ទាំងឡាយងាយស្តាប់យល់ ។ ១០.កែម ឡី ជាស្មារតីដាស់កូនខ្មែរ រួមគ្នាជួយថែរជាតិខេមរា ដោយការតស៊ូនិងហានក្លា ហ៊ានស្តីចចារពីរឿងជាតិ ។ ១១.វីរបុរសបណ្ឌិត កែម ឡី ប្រាជ្ញាវាងវៃដោះស្រាយបញ្ហា រឿងសង្គមជាតិដោយអហឹង្សា តាមច្បាប់គោលការណ៍ប្រជាធិបតេយ្យ ។ ១២.កែម ឡី ស្លាប់១ព្រោះតែរឿងជាតិ កែម ឡី ច្រើនទៀតកើតឡើងហូរហែរ ប្តេជ្ញាតស៊ូគំរូឡីដែរ កែម ឡី ជាតិខ្មែរមិនស្លាប់សោះឡើយ ។ https://www.facebook.com/venerablesovathloun/videos/678223895659468/ "Non-Violence Overcome All Obstacles"

ទិដ្ឋភាពថ្ងៃបុណ្យបញ្ចុះសពលោកបណ្ឌិត កែម ឡី

សពលោកបណ្ឌិត កែម ឡី ត្រូវបានធ្វើពិធីបញ្ចុះរួចរាល់វេលាម៉ោង១១.៣០នាទីព្រឹកថ្ងៃ២៥កក្កដា២០១៦លើផ្ទៃដីនៃភូមិកំណើតរបស់សពដែលស្ថិតនៅភូមិអង្គតាកុប ឃុំលាយបូ ស្រុកត្រាំកក់ ខេត្តតាកែវ ។ សូមឲ្យវិញ្ញាណក្ខន្ធលោកបណ្ឌិត កែម ឡី បានទៅកើតក្នុងកំណើតសុគតិភពជាថ្មីកុំបីខាន ! ។។ "Non-Violence Overcome All Obstacles"

ទិដ្ឋភាពដង្ហែរសពលោក បណ្ឌិត កែម ឡី ពីភ្នំពេញទៅខេត្តតាកែវ

ពិធីដង្ហែរសពវីរបុរសខ្មែរ វីរបណ្ឌិត កែម ឡី នៅថ្ងៃ២៤កក្កដា២០១៦ មានមហាជនចូលរួមយ៉ាងច្រើនកុះករប្រមាណជា២លាននាក់ ។ សពត្រូវបានដង្ហែរចេញពីវត្តពោធិយារាម ហៅវត្តចាស់ ជ្រោយចង្វាក្រុងភ្នំពេញចាកចេញទៅទីបញ្ចុះសពលើទឹកដីភូមិកំណើត ភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ ។ ក្បួនដង្ហែរសពចាកចេញពីម៉ោងជាង៧ព្រឹកតាមបណ្តោយផ្លូវព្រះមុនីវង្ស ផ្លូវសហព័ន្ធរុស្សី ដល់រង្វង់មូលចោមចៅ ចេញទៅផ្លូវជាតិលេខ៣ ។ "Non-Violence Overcome All Obstacles"