ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Tuesday, July 25, 2017
ប្រជាពលរដ្ឋសហគមន៍ក្រីក្ររស់នៅលើខ្នងទំនប់សួងស្នលរសុំព្រះសង្ឃនិងអាជ្ញាធរជួយកសាងសាលារៀន
ព្រះតេជគុណ លួន សុវ៉ាត និមន្តទៅពិនិត្យមើលទីកន្លែងគម្រោងកសាងសាលារៀន #សហគមន៍ទំនប់សួង #ឃុំអន្លង់សំណរ #ស្រុកជីក្រែង #ខេត្តសៀមរាប សម្រាប់កុមារា កុមារី អាយុក្រោម១០ឆ្នាំ របស់ប្រជាពលរដ្ឋក្រីក្រដែលរស់នៅលើខ្នងទំនប់សួងនេះប្រមាណជាង១១៥គ្រួសារដែលកំពុងជួបការលំបាកខ្វះខាតសាលារៀនសម្រាប់កូនតូចៗសិក្សារៀនសូត្រ ។ គម្រោងកសាងសាលារៀនខាងលើនេះត្រូវបានប្រជាពលរដ្ឋសហគមន៍ទំនប់សួង បានសំណូមពរនិងស្នើរសុំព្រះតេជគុណ លួន សុវ៉ាត ឲ្យជួយកសាង ជាង១ឆ្នាំកន្លងមកហើយ ហើយព្រះអង្គបានឯកភាពយល់ព្រមផងដែរ តែខាងអាជ្ញាធរសាលាស្រុកជីក្រែងមិនទាន់ឯកភាពលើសំណើរសុំច្បាប់ខាងលើនៅឡើយទេ ចំណែកខាងមន្ទីរអប់រំស្រុកបានឯកភាពហើយ ។ អាជ្ញាធរដែនដីមន្ត្រីឃុំនិងក្រុមប្រឹក្សាឃុំអន្លង់សំណរដែលទើបជាប់ឆ្នោតថ្មីមកពីគណបក្សសង្គ្រោះជាតិ ក៏បានឯកភាពនិងចូលរួមសហការណ៍ជាមួយប្រជាពលរដ្ឋដើម្បីឲ្យមានការកសាងសាលារៀនថ្មីនៅលើទឹកដីសហគមន៍ទំនប់សួងនោះផងដែរ ។ គូរបញ្ជាក់ថា ការចង់បានសាលារៀនខាងលើនេះ ប្រជាពលរដ្ឋបានស្នើរសុំទៅអាជ្ញាធររដ្ឋាភិបាលមន្ទីរស្ថាប័នពាក់ព័ន្ធ ជាង៨ឆ្នាំកន្លងមកហើយតែមិនទាន់បានទទួលសាលារៀននៅឡើយទេ ។
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment