ដំណើរការកសាងផ្ទះខ្មែរជួយខ្មែរ ! ខ្មែរសង្គ្រោះខ្មែរ ! សហគមន៍ជីក្រែង ខេត្តសៀមរាប

ដំណើរការកសាងផ្ទះខ្មែរជួយខ្មែរ ! ខ្មែរសង្គ្រោះខ្មែរ ! សហគមន៍ជីក្រែង ខេត្តសៀមរាប បូកសរុបថវិកាចំណាយធ្វើផ្លូវដើរនិងកសាងផ្ទះ ខ្មែរជួយខ្មែរ ! ខ្មែរសង្គ្រោះខ្មែរ ! ជូនពលរដ្ឋក្រីក្រសហគមន៍ជីក្រែង ភូមិតារាម ឃុំជីក្រែង ស្រុកជីក្រែង ខេត្តសៀមរាប ។ ១.ថវិកាដែលព្រះតេជគុណ លួន សុវ៉ាត បានរៃអង្គាសនិងទទួលបានពីពុទ្ធបរិស័ទជនរួមជាតិខ្មែរនៅអាមេរីក អូស្ត្រាលី និងបារាំង បានសរុប 2620$,។ ចំណាយធ្វើផ្លូវនិងផ្ទះពីរសរុបអស់ 3100$នៅខ្វះ500$ បើមានញាតិញោមមានសទ្ធាបំពេញ សទ្ធាជ្រះថ្លាក៏សូមអនុមោទនា ! តែបើមិនមានទេ ព្រះតេជគុណ លួន សុវ៉ាត និងចំណាយបច្ច័យបួនបំពេញបន្ថែម ។ ទី១.ទិញដីធ្វើផ្លូវដើរបណ្តោយ២៦ម៉ែត្រ ទទឹង៤ម៉ែត្រដើម្បីប្រើប្រាស់ជាប្រយោជន៍សាធារណៈអស់ថវិកា 500$ ។ ទី២.ធ្វើផ្ទះចំនួនពីរ ជូនអ្នកស្រី យី សាវង្ស និងអ្នកស្រី យី សាវី តំណាងសហគមន៍ជីក្រែងដែលក្រីក្ររងគ្រោះ បណ្តោយផ្ទះ៨ម៉ែត្រ ទទឹង៥ម៉ែត្រ ដំបូលនិងជញ្ជាំងស័ង្កសី គ្រឿងឈើ ឥដ្ឋ ស៊ីម៉ង់ ដែក សរុបផ្ទះទាំង២អស់ថវិកា 2600$, អត់គិតថ្លៃជាងនិងការចំណាយផ្សេងៗ ។ ម្ចាស់ទានប្រធានបុណ្យខ្មែរជួយខ្មែរ ! ខ្មែរសង្គ្រោះខ្មែរ ! ដែលមានសទ្ធាជ្រះថ្លាមាន : ទី១.ឧបាសក ឡូ ប៊ុនឡេង និង ឧបាសិកា អៀប ឆៃគីម ព្រមទាំងកូនចៅនៅ Santa Ana.California.USA.សរុបទាំងមុននិងក្រោយ 800$ ។ ទី២.អ្នកស្រី វើក លឹមឆដារី Voeuk Limchhordary.Darwin.Australia.500$ ។ ទី៣.ឧបាសិកា ឈុន យ៉េន រៃអង្គាសបច្ច័យពុទ្ធបរិស័ទជនរួមជាតិខ្មែរចំណុះជើងវត្តសាន់តាអាណាCalifornia.USA.350$ ។ ទី៤.ឧបាសក អ៊ា មេងឃាង និងឧបាសិកា អ៊ា ស៊ីវញ៉ិច និងកូនស្រី អ៊ា អ៊ីសាបែល និងកូនប្រុស អ៊ា ស៊ីវែន និងបងស្រី អ៊ា ស៊ីវហ៊ន ព្រមទាំងកូនចៅ អ្នកស្រី អ៊ា ស៊ីវមួយ ព្រមទាំងគ្រួសានិងកូនចៅ អ្នកស្រី អ៊ា ស៊ីវអេង និងគ្រួសារនិងកូន រស់នៅទីក្រុង Los Angeles California.USA.300$ ធ្វើផ្លូវថ្នល់ ។ ទី៥.គ្រួសារលោកនិងអ្នកស្រី សួស សំ អ្នកស្រី អេម៉ា លោក គីម នៅប្រទេសបារាំង មានសទ្ធាជ្រះថ្លា 295$ ។ ទី៦.អ្នកស្រី សួន សុភាព និងគ្រួសារញាតិមិត្តធ្វើការងារនៅក្រុមហ៊ុនកាត់ដេរ សុខ ហុង Seattle.Washington State.USA.200$ ។ ទី៧.ឧបាសិកា អ៊ីម ណយ លោក អ៊ិត ឆារី និងអ្នកស្រី តាន់ គីមព្រួម 175$ ។ ព្រះពុទ្ធទ្រង់សំដែងថា ការធ្វើសង្គហទាន រមែងកើតមាននូវសេចក្តីសុខចំរើនដល់គ្នានិងគ្នា ។ ការធ្វើបុណ្យកសាងផ្លូវ កសាងទីសេនាសនៈទានមានផ្ទះ កុដិព្រះវិហារ ដាំដើមឈើជាម្លប់ ជីកអណ្តូងស្រះទឹក ជាដើម គឺរមែងបានបុណ្យចំរើនទាំងយប់ទាំងថ្ងៃដល់អ្នកម្ចាស់ដើមទានប្រធានដើមបុណ្យ ។ អាយុ វណ្ណៈ សុខៈ ពលៈ កើតមានដល់លោកអ្នកម្ចាស់ទានប្រធានបុណ្យបានសុខចំរើនគ្រប់ៗគ្នា ! សូមអនុមោទនា ! ។ ៣មេសា២០១៧ "Non-Violence Overcome All Obstacles"