Saturday, February 11, 2017

ផ្តល់ជំនួយមនុស្សធម៌ខ្មែរជួយខ្មែរដល់អ្នកស្រី កី ផ្លិប ជាប់ពន្ធនាគារដោយអយុត្តិធម៌រឿងដីធ្លី

ខណៈពេលនេះ ព្រះតេជគុណ លួន សុវ៉ាត ជាសកម្មជនព្រះសង្ឃអ្នកការពារសិទ្ធិមនុស្ស ព្រឹកថ្ងៃ១១កុម្ភៈ២០១៧នេះ បាននិមន្តទៅសួរសុខទុក្ខក្រុមគ្រួសារ អ្នកស្រី កី ផ្លិប ជាស្ត្រីសកម្មជនការពារសិទ្ធិមនុស្ស សិទ្ធិលំនៅដ្ឋានដីធ្លីនៅភូមិ សណ្តាន់ ឃុំពាក់ស្នែង ស្រុកអង្គរធំ ខេត្តសៀមរាប និងបាននាំយកអំណោយមនុស្សធម៌ ខ្មែរជួយខ្មែរ ! ទៅផ្តល់ជូនផងដែរ ។ ម្ចាស់អំណោយបុណ្យមាន ឧបាសក ឡូ ប៊ុនឡេង និងឧបាសិកា អៀប ឆៃគីម ព្រមទាំងកូនចៅនៅទីក្រុង Santa Ana.California.USA.មានសទ្ធាជ្រះថ្លាធ្វើសង្គហទាន ធ្វើទានសង្គ្រោះអ្នកស្រី កី ផ្លិប 50$,ប្រគេនព្រះតេជគុណ ព្រីម ហួន ព្រះសង្ឃសកម្មការងារជួយសង្គមជាតិ 150$,ធ្វើទានប្រគេនចង្ហាន់ព្រះសង្ឃក្នុងថ្ងៃមាឃបូជា 50$, ។ ឧបាសិកា សេង ស៊ីលាប ហៅ អ៊ុក ណៃ Nay OK ព្រមទាំងកូនចៅ Mrs Channa Houth Mrs Channoun Chhemhouth Mrs Channath Houth Mr Channath Mr Dannie Houth រស់នៅទីក្រុង Lowell.Massachusetts.USA.ជួយអ្នកស្រី កី ផ្លិប 50$,។ ឧបាសិកា ឃុយ វួចហេង និងកូនក្មួយ នៅស្ទឹងមានជ័យ ភ្នំពេញ ថវិការ 10$.និង ខោអាវ មួយបង្វិច ទៀត ។ សូមបុណ្យកុសលសុខចំរើនដល់ម្ចាស់ទានប្រធានបុណ្យប្រកបដោយពុទ្ធពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! ។។ គួរបញ្ជាក់ផងដែរថា អ្នកស្រី កី ផ្លិប ដែលជាប់ពន្ធនាគារដោយអយុត្តិធម៌រឿងដីធ្លី ដែលត្រូវបានសមត្ថកិច្ចចាប់ខ្លួនកាលពីថ្ងៃទី៦ ខែតុលា ឆ្នាំ២០១៥ កន្លងមក ដោយតុលាការចោទប្រកាន់ពីបទ កាប់បំផ្លាញព្រៃឈើខុសច្បាប់ និងកាត់ទោសឲ្យជាប់ពន្ធនាគារនៅខេត្តសៀមរាប រយៈពេល២ឆ្នាំ រហូតមកដល់ពេលនេះមិនទាន់មានយុត្តិធម៌ មានសិទ្ធិសេរីភាពចេញពីពន្ធនាគារនៅឡើយទេ ។ អ្នកស្រី កី ផ្លិប អាយុ៤៨ឆ្នាំ មានកូន២នាក់ មានម្តាយចាស់ជរា និងមានជីវភាពក្រីក្រលំបាកវេទនាហើយថែមទាំងជាប់ពន្ធនាគារដោយសារតែការពារដីធ្លីស្រែចំការរបស់ខ្លួន កុំឲ្យក្រុមហ៊ុននាយទុនអ្នកមានលុយមានអំណាចរំលោភយក តែបែជាទៅជាប់ចោទជាប់គុករឿងកាប់ព្រៃឈើខុសច្បាប់ទៅវិញ តើតុលាការមានបើកភ្នែកមើលឃើញដែរឬទេថា អ្នកដែលកាប់បំផ្លាញព្រៃឈើនៅកម្ពុជាធំជាងគេ គឺក្រុមហ៊ុនឧកញ៉ា អ្នកមានលុយ មានអំណាចនោះឯងហើយ ចំណែកអ្នកស្រី កី ផ្លិប ជាស្ត្រីផង ជាអ្នកក្រីក្រ គ្មានឈើធ្វើផ្ទះ គ្មានរណាអាឈើ គ្មានអាត្រាក់ទ័រផង តើទៅកាប់បំផ្លាញព្រៃឈើយ៉ាងដូចម្តេចកើត ? ។ #យុត្តិធម៌២០១៧ #justice2017

No comments:

Post a Comment