Wednesday, January 4, 2017

លោក គុជ វេង សកម្មជនអ្នកការពារសិទ្ធិមនុស្សបួងសួងសុំឲ្យមានយុត្តិធម៌

លោក គុជ វេង និងក្រុមគ្រួសារញាតិមិត្ត រស់នៅភូមិក្រឡាញ់ ឃុំក្បាលត្រាច ស្រុកក្រគរ ខេត្តពោធិ៍សាត់ ធ្វើពិធីសូត្រមន្តបួងសួងសុំឲ្យគុណព្រះពុទ្ធ ព្រះធម៌ ព្រះសង្ឃ ជួយឲ្យមានសេចក្តីសុខចំរើន មានយុត្តិធម៌ សូមឲ្យតុលាការទំលាក់ចោលបទចោទប្រកាន់ មុនពេលឡើងតុលាការ នាព្រឹកថ្ងៃទី៤មករា២០១៧ ។ លោក គុជ វេង និងត្រូវឡើងឆ្លើយបំភ្លឺតុលាការខេត្តពោធិសាត់នៅថ្ងៃទី៥ ខែមករា ឆ្នាំ២០១៧ វេលាម៉ោង៨និង៣០នាទីព្រឹក ដើម្បីឆ្លើយបំភ្លឺពីបទចោទ បរិហារកេរ្តិ៍ជាសាធារណៈ ញុះញង់ឲ្យប្រព្រឹត្តិបទឧកក្រិដ្ឋជាអាទិ៍ និងធ្វើឲ្យបាត់បង់ជំនឿលើសេចក្តីសម្រេចរបស់តុលាការ ប្រព្រឹត្តិទាំងនៅខេត្តពោធិសាត់និងក្រុងភ្នំពេញក្នុងឆ្នាំ២០១៦ ។ លោក គុជ វេង ជាពលរដ្ឋសកម្មក្នុងការចូលរួមកសាងការពារសិទ្ធិមនុស្ស យុត្តិធម៌សង្គមនៅកម្ពុជាកន្លងមក ហើយគាត់ក៏ធ្លាប់ត្រូវបានសមត្ថកិច្ចចាប់ខ្លួនតុលាការចោទប្រកាន់យកទៅដាក់ពន្ធនាគារម្តងរួចមកហើយក្នុងឆ្នាំ២០១៣អស់រយៈកាល៣ខែ១៦ថ្ងៃដោយសារតែសកម្មភាពចូលរួមប្រើសិទ្ធិជាពលរដ្ឋសកម្មក្នុងកិច្ចការសង្គមជាតិនេះ ។ សូមគោរពនិមន្តនិងអញ្ជើញ អង្គការ សមាគម សហគមន៍ ប្រជាពលរដ្ឋចូលរួមតាមដានឃ្លាំមើលសង្កេតការណ៍និងយកពត៌មាននៅថ្ងៃនោះផង ! ទំនាក់ទំនងលោក គុជ វេង ផ្ទាល់ 012 480 676,012480676 097 887 7576 "Non-Violence Overcome All Obstacles"

No comments:

Post a Comment