ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Saturday, August 22, 2015
Hun Sen Warning USA about Changing ហ៊ុន សែន ព្រមានសហរដ្ឋអាមេរីកអំពីការផ្លាស់ប្តូរនៅកម្ពុជា
លោក ហ៊ុន សែន ក្នុងពិធីពិសារអាហារសាមគ្គីជាមួយសមាគមឧកញ៉ាកម្ពុជានៅកោះពេជ្រថ្ងៃ២២សីហា២០១៥ បានព្រមានសហរដ្ឋអាមេរីកអំពីពាក្យថា ការផ្លាស់ប្តូរ គឺគាត់ធុញទ្រាន់និងការលើកឡើងរបស់ឯកអគ្គរដ្ឋទូតសហរដ្ឋអាមេរីកដែលបាននិយាយពាក្យនេះជាមួយគាត់ ។ លោក ហ៊ុន សែន បានអួតក្អេងក្អាងថា គាត់អាចបង្រៀនមន្ត្រីអាមេរីកទាំងនោះបានអំពីការផ្លាស់ប្តូរនេះ បើរូបគាត់មិនមានការផ្លាស់ប្តូរទេ រួបគាត់មិនអាចកាន់អំណាចនៅកម្ពុជាបានយូរជាង៣០ឆ្នាំទេ នេះគឺជាការផ្លាស់ប្តូរពីតិចទៅច្រើនពីតូចទៅធំ ។ លោក ហ៊ុន សែន ទំនងជាមិនទាន់យល់អំពីពាក្យថា ការផ្លាស់ប្តូរនៅឡើយទេ បានជាគាត់និយាយថា កាលពីមុននៅក្មេងឥឡូវផ្លាស់ប្តូរមកកាន់តែចាស់អស់ហើយ ហើយលោក ហ៊ុន សែន បាននិយាយអួតថា កម្ពុជាបានផ្លាស់ប្តូរហើយគឺផ្លាស់ប្តូរពីគ្មានផ្លូវមកមានផ្លូវពីគ្មានសំណង់អាគារខ្ពស់ៗមកមានអាគារខ្ពស់ៗជាដើមប៉ុន្តែលោក ហ៊ុន សែនភ្លេចគិតថា កម្ពុជាផ្លាស់ប្តូរពីមានទឹកដីធំឥឡូវកាន់តែតូចៗទៅពីមានព្រៃឈើអស់ព្រៃឈើជាដើម ។ ពាក្យថា ការផ្លាស់ប្តូរនៅក្នុងប្រទេសកាន់របបប្រជាធិបតេយ្យសេរី គឺសំដៅលើ ការផ្លាស់ប្តូរអំណាច ផ្លាស់ប្តូរមេដឹកនាំ មិនមែនផ្លាស់ប្តូរដូចលោក នាយករដ្ឋមន្ត្រី ហ៊ុន សែន និយាយថាគាត់កាន់អំណាចជាង៣០ឆ្នាំហើយនោះគឺជាការផ្លាស់ប្តូរទេ ហើយទំនងប្រហែលជាគាត់គិតថានិងកាន់អំណាចតទៅទៀតរហូតដល់អាយុ៨០ទៅ៩០ឆ្នាំដល់ចាស់ស្លាប់ទើបហៅថាជាការផ្លាស់ប្តូរដែរហើយមើលទៅ ។ ការផ្លាស់ប្តូរមេដឹកនាំនេះគឺសំខាន់ណាស់នៅពិភពលោកទាំងមូល ប្រទេសណាដែលមានមេដឹកនាំក្រាញអំណាចគឺប្រទេសនោះកាន់អំណាចផ្តាច់ការហើយប្រទេសជាតិក្រីក្រប្រជាពលរដ្ឋរងគ្រោះដោយគ្មានសិទ្ធិសេរីភាពជាដើម ចំណែកប្រទេសណាដែលមានការផ្លាស់ប្តូរមេដឹកនាំប្រទេសនោះជាប្រទេសប្រជាធិបតេយ្យសេរី ប្រជាពលរដ្ឋមានសិទ្ធិសេរីភាព មានការរីកចំរើនជឿនលឿន ៕
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment