អ្នកទោសនយោបាយនិងមនសិការ១៤នាក់ត្រូវបានដោះលែងចេញពីពន្ធនាគារព្រៃស

ទីបំផុតអ្នកទោសនយោបាយនិងមនសិការត្រូវបានដោះលែងឲ្យមានសេរីភាពចេញពីពន្ធនាគារព្រៃសយប់ថ្ងៃ២៧ឈានចូលថ្ងៃ២៨សីហា២០១៨វេលាម៉ោង១រំលងអធ្រាត្រ ។ https://youtu.be/LrvucGgf93o មុខពន្ធនាគារព្រៃស មនុស្សម្នារយ៉ាងច្រើនកុះករមាន ព្រះសង្ឃ ប្រជាពលរដ្ឋ អ្នកសារពត៌មាន ឈររង់ចាំអបអរសាទរការដោះលែងអ្នកទោសនយោបាយនិងមនសិការទាំង១៤នាក់ ដែលជាប់អន្ទាក់រងទុក្ខ ក្នុងគុកដោយអយុត្តិធម៌ជាង៣ឆ្នាំកន្លងមក ហើយបន្ទាប់ពីមានលិខិតលើកលែងទោសដោយព្រះមហាក្សត្រឲ្យមានការដោះលែងអ្នកទាំងនោះរួចមក ។ បើទោះជាមានលិខិតលើកលែងទោសរួចហើយក្តីការដោះលែងអ្នកទាំង១៤នាក់ចេញពីពន្ធនាគារព្រៃស បានបន្តដំណើរការនីតិវិធីដោះលែងយឺតយូរបំផុត គឺខុសគ្នាផ្ទុយស្រឡះពីកាលដែលចាប់ដាក់ពន្ធនាគារគឺចាប់ភ្លែតចូលគុកភ្លាមទាំងគ្មានដីការចាប់ខ្លួនផងក៏មានដែរ ហើយចាប់លឿនដូចខ្យល់ព្យុះរន្ទះបាញ់ តែដល់ពេលដោះលែងវិញគឺចាប់តាំងពីម៉ោង១រសៀលរហូតដល់ម៉ោងជិត១២យប់ថ្ងៃ២៧សីហា២០១៨នៅតែថា តិចទៀតដោះលែងហើយៗ ឲ្យតែអ្នកសារពត៌មាននិងប្រជាពលរដ្ឋចេញឲ្យផុតពីមុខពន្ធនាគារអស់គឺដោះលែងហើយ ។ មន្ត្រីប៉ូលីសដែលយាមខាងក្នុងពន្ធនាគារបានប្រាប់ថា បើព្រះសង្ឃ អ្នកសារពត៌មាន ប្រជាពលរដ្ឋ មិនចេញឲ្យអស់ពីមុខពន្ធនាគារទេ គឺអត់ទាន់ដោះលែងទេ ។ "Non-Violence Overcome All Obstacles"