ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Wednesday, December 9, 2015
ទិវាសិទ្ធិមនុស្សអន្តរជាតិ១០ធ្នូនៅក្រុងភ្នំពេញ
ក្រុមមិត្ត១០ធ្នូដែលមានព្រះសង្ឃ អង្គការ សមាគម សហគមន៍ សហជីព កម្មករ កសិករ ប្រជាពលរដ្ឋរាប់ពាន់នាក់ មកពីតាមបណ្តាខេត្តនានានិងក្រុងភ្នំពេញ បានជួបជុំ ដង្ហែរក្បួន៣ក្រុមតាមដងផ្លូវនានាក្នុងក្រុងភ្នំពេញមកជួបជុំគ្នានៅមុខក្រសួងយុត្តិធម៌ដើម្បីប្រារព្ធទិវាសិទ្ធិមនុស្សអន្តរជាតិ១០ធ្នូខួបលើកទី៦៧ឆ្នាំ២០១៥ ។ ញត្តិនិងសេចក្តីថ្លែងការណ៍របស់ក្រុមមិត្ត១០ធ្នូឆ្នាំ២០១៥នេះគឺទាមទារយុត្តិធម៌និងស្នើរសុំឲក្រសួងយុត្តិធម៌ តុលាការ អាជ្ញាធររដ្ឋាភិបាលដោះស្រាយ៥ចំណុចសំខាន់ៗ គឺ ទី១.ស្នើរសុំឲមានដំណោះស្រាយដីធ្លី ទី២.កំណែទម្រង់ប្រព័ន្ធតុលាការនិងដោះលែងសកម្មជនអ្នកការពារសិទ្ធិមនុស្សដីធ្លីព្រៃឈើ ទី៣.តម្លើងប្រាក់ឈ្នួលកម្មករនិងគោរពសិទ្ធិការងារ ទី៤.បញ្ឈប់អំពើហឹង្សាដែលគាំទ្រដោយអាជ្ញាធររដ្ឋ ទី៥.គោរពសិទ្ធិសេរីភាពបញ្ចេញមតិ ការជួបប្រជុំប្រមូលផ្តុំទាមទារតវ៉ាដោយអហឹង្សា ។ កម្មវិធីត្រូវបានប្រព្រឹត្តិទៅដោយជោគជ័យបើទោះណាជាអាជ្ញាធររារាំងហាមឃាត់មិនឲដង្ហែរក្បួនក៏ដោយក៏ក្រុមមិត្តិ១០ធ្នូនៅតែហែរក្បួនរហូតដល់មុខក្រសួងយុត្តិធម៌និងប្រារព្ធកម្មវិធីផ្សេងៗដល់ទីបញ្ចប់នៅម៉ោងប្រមាណ១២ថ្ងៃត្រង់ ។10.12.2015 #យុត្តិធម៌១៥ #justicekh15
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment