ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Monday, June 8, 2015
Hun Sen បបួល សម រង្សី ស្បថឲរន្ទះបាញ់រឿងចោទថាគណបក្សប្រជាជនលួចសន្លឹកឆ្នោត
Hun Sen បបួល សម រង្សី ស្បថរឿងចោទ លួចសន្លឹកឆ្នោត កាកបាទក្រហមលំអៀង បញ្ហាបាត់បង់ទឹកដីខ្មែរតាមខ្សែព្រំដែនទៅយួន
=====ព័ត៌មាននយោបាយប្រតិកម្មថ្នាំ=====
ព្រឹកថ្ងៃទី៨ខែមិថុនាឆ្នាំ២០១៥ Hun Sen លោកនាយករដ្ឋមន្ត្រីខ្មែរដែលពូកែខឹងបានខំប្រឹងនិយាយដោះសារថាខ្លួននិងបក្សពួកខ្លួនគឺគណបក្សប្រជាជនកាន់អំណាចមិនបានលួចប្លន់សន្លឹកឆ្នោតដូចការចោទប្រកាន់ពីគណបក្សប្រឆាំងពីប្រជាពលរដ្ឋនិងអង្គការជាតិអន្តរជាតិនោះទេ បើមិនជឿទេ មានតែស្បថឲងាប់ដោយរន្ទះបាញ់ជាដើម ការយកពាក្យស្បថមកបង្ហាញក្នុងរដ្ឋសភាឲប្រជាពលរដ្ឋជឿនេះវាហាក់ដូចជាពាក្យចាស់ពោលថា ពាក្យសម្បថជាពាក្យទាល់ច្រក ទឹកហូរពុំដែលហត់ ហ៊ុន សែន ស្បថកុំឲជឿ ! បើពាក្យសម្បថសាកសិទ្ធិពិតមែននោះ ប្រហែលជាមានមន្ត្រីគណបក្សប្រជាជនមិនតិចទេនិងស្លាប់ដោយរន្ទះបាញ់ ព្រោះតែកេងប្រវ័ញ្ចសន្លឹកឆ្នោតដោយការបោកបញ្ឆោតដោយមធ្យោបាយផ្សេងៗពិសេសគឺប្រធាន គជប ដែលជាមន្ត្រីCPPនោះឯងដែលកាន់តំណែងជាប្រធាន គជប ជាច្រើនអាណត្តិដោយមិនមានឯករាជ្យអព្យាក្រិត្យ ។ Hun Sen បាននិយាយការពារដល់ស្ថាប័នកាកបាទក្រហមថា មិនបានរើសអើងនិន្នានយោបាយប្រកាន់បក្សពួកនោះទេ ប៉ុន្តែមហាជនជាច្រើនបានមើលឃើញថាស្ថាប័នកាកបាទក្រហមមិនអព្យាក្រិត្យមិនឯករាជ្យនោះទេ ព្រោះកន្លងមកយើងសង្កេតឃើញថាស្ថាប័នមួយនេះចែកអំណោយមានការលំអៀងដូចជា សហគមន៍រងគ្រោះដីធ្លីដោយការបណ្តេញចេញ កម្មករដែលរងគ្រោះដោយការវ៉ៃបាញ់ទាត់ធាក់ពីកងកំលាំងសមត្ថកិច្ចរដ្ាភិបាល កាកបាទក្រហមអត់ដែលផ្តល់ជំនួយជួយសង្គ្រោះអ្នកទាំងនោះទេផ្ទុយទៅវិញបែជាយកអំណោយទៅចែកក្រុមកងសន្តិសុខបាតដៃទី៣ដែលវ៉ៃព្រះសង្ឃប្រជាពលរដ្ឋនៅទីលានប្រជាធិបតេយ្យគ្មានក្តីមេត្តាបែជាទទួលបានថវិការពីកាកបាទក្រហមក្នុងម្នឆក់ៗ៥លានរៀលទៅវិញ ។ ចំពោះរឿងព្រំដែនទឹកដីដែលនាយករដ្ឋមន្ត្រីលើកឡើងថា មិនបាត់បង់នោះ ត្រូវបានកសិករខ្មែរនៅតាមព្រំដែនស្រែកដង្ហោយហៅរកយុត្តិធម៌គ្រប់ទិសទីដោយសារយួនរំលោភយកដីស្រែចំការរបស់ពួកគាត់ហើយបង្គោលព្រំដែនក៏ចេះរំកិលចូលមកដីខ្មែរបន្តិចម្តងៗរហូតដល់អស់ទាំងកោះត្រល់ អស់ទាំងភូមិថ្លុកជ្រៅភូមិកំណើតលោក ហេង សំរិនថែមទៀតផង ៕
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment