សមត្ថកិច្ចចំរុះចុះឈូសកំទេចផ្ទះប្រជាពលរដ្ឋ៣១គ្រួសារនៅខេត្តក្រចេះ

ផ្ទះប្រជាពលរដ្ឋចំនួន៦ខ្នងត្រូវដុតកំទេចចោល និង៤ខ្នងទៀត នៅខេត្ត​ក្រចេះ ត្រូវ​គ្រឿង​ចក្ររុញដួល​រាបដល់ដី ចំនែកផលដំណាំជាច្រើនទៀតត្រូវឈួសឆាយគ្មានសល់ កាលពីថ្ងៃទី០៩ ខែមេសា​២០១៥ ដោយភាគីជម្លោះដែលមានលុយនិងអ្នកមានអំនាចនៅពីក្រោយ ។ ទោះជាបែបនេះក្តី ក្រុមប្រជាពលរដ្ឋ៣១គ្រួសារ​ដែលកំពុងរងគ្រោះនៅតែមិន​ព្រមចាកចេញពីដី​មាន​ជម្លោះ បើ​ទោះ​ជាអាជ្ញាធរ​ខេត្ត​ចោទថា​ពួកគេ​រស់​នៅទី​នោះខុសច្បាប់ក្តី ។ គួរបញ្ជាក់ថា ប្រជាពលរដ្ឋ៣១គ្រួសារនោះបានរស់នៅលើដីមានជម្លោះនោះជាយូរឆ្នាំមកហើយដោយដាំដំណាំនិងធ្វើផ្ទះរស់នៅ តែក្រោយមកឆ្នាំ២០១៥នេះមានប្រជាពលរដ្ឋផ្សេងទៀតជាង៧០គ្រួសារដែលមកពីខេត្តផ្សេងបានមកទាមទារថាដីនោះជាដីរបស់ពួកគេ ទាំងដែលពួកគេទាំងនោះមិនដែលបានមករស់នៅលើដីនោះទេ ហើយខាងអាជ្ញាធរខេត្តក្រចេះ បានជួយជ្រោមជ្រែងសម្រេចប្រគល់ដីទាំងនោះជូនទៅប្រជាពលរដ្ឋជាង៧០គ្រួសារនោះទៅ ដោយអាជ្ញាធរបានបញ្ជារឲប្រជាពលរដ្ឋ៣១គ្រួសារនោះចាកចេញ តែពលរដ្ឋទាំង៣១គ្រួសារនោះមិនចាកចេញទេព្រោះដីនោះផ្ទះនោះជាជីវិតរបស់ពួកគេ ទើបភាគីពលរដ្ឋជាង៧០គ្រួសារសហការណ៍ជាមួយសមត្ថកិច្ចចំរុះចុះមកឈូសផ្ទះ ដុតបំផ្លាញទ្រព្យសម្បត្តិដំណាំដាំដុះនិងបណ្តេញប្រជាពលរដ្ឋ៣១គ្រួសារឲចាកចេញដោយមហាអយុត្តិធម៌ ៕

Buddhism for Social and Nation ( Peace,Freedom,Human Rights,Social Justice )