លោក ខៀវ សុភ័ក្រ អ្នកនាំពាក្យក្រសួងមហាផ្ទៃមិនប្រើពាក្យដេញ អាឡិច ទេ ប៉ុន្តែសូមឲចាកចេញពីកម្ពុជាសិន

លោក ខៀវ សុភ័ក្រ អ្នកនាំពាក្យក្រសួងពោះធំ ( មហាផ្ទៃ ) និយាយថា ក្រសួងបានលុបឈ្មោះ អាឡិច សកម្មជនការពារព្រៃឈើនៅតំបន់អារ៉ែងចេញពីបញ្ជីរខ្មៅកម្ពុជាហើយ គឺក្រសួងមិនដេញ អាឡិច ទេ ប៉ុន្តែសំណូមពរសុំឲ អាឡិច ចាកចេញពីកម្ពុជាសិន បន្ទាប់មកសុំដាក់ពាក្យស្នើរសុំទិដ្ឋាការចូលមកកម្ពុជាជាថ្មីវិញ( ពោលគឺរង់ចាំឲអស់ព្រៃឈើរលីងនិងចាំទំបន់វារីអគ្គីដអារ៉ែងសាងសង់ហើយចែកលុយគ្នាអស់ហើយចាំ អាឡិចឯងវិលមកកម្ពុជាវិញ ) ។ ពាក្យថា មិនដេញទេ ប៉ុន្តែ ឲចាកចេញ ស្តាប់ទៅអ្នកនាំពាក្យរូបនេះហាក់ដូចជាចិត្តល្អចេះជ្រុលពេកចង់វង្វេងហើយ បានជាប្រើពាក្យគួរសមបង្កប់ដោយពិសពុលដូចនេះ មានតែមនុស្សឡប់សតិទេ ទើបស្តាប់បានថាមិនដេញ ចំពោះមនុស្សទូទាំងពិភពលោក គេយល់ថា មិនដេញទេប៉ុន្តែឲចាកចេញគឺដូចតែគ្នា ឌាតែខ្នូច ខូច ខុស ខាត ដូចដើម ។ ហើយចំពោះការប្រើពាក្យថា លុបឈ្មោះ អាឡិច ចេញពីបញ្ជីរខ្មៅនោះ តើជាបញ្ជីរស្បែកឆ្កែរ បញ្ជីរភេរវកម្ម ឧក្រិដ្ឋកម្ម ពុករលួយ ក្បត់ជាតិ ក្បត់មនុស្សជាតិ ឬយ៉ាងណា ពាក្យចុះក្នុងបញ្ជីរខ្មៅនេះបើប្រើចំពោះអ្នកកាប់បំផ្លាញព្រៃឈើ ឧក្រិដ្ឋកម្មសង្គ្រាម កាន់អំនាចផ្តាច់ការ មេជួញដូរអាភៀនគ្រឿងញៀន ជាដើមទើបត្រូវជាង ប៉ុន្តែលោក អាឡិច រស់នៅស្រុកខ្មែរជាង១០ឆ្នាំហើយៗចេះនិយាយខ្មែរច្បាស់ជាងមន្ត្រីមានអំនាចក្នុងជួររដ្ឋាភិបាលCPPមួយចំនួនទៅទៀត គាត់មិនបានលួចប្លន់កាប់សម្លាប់មនុស្សសត្វទេ ហើយគាត់គឺជាអ្នកស្រលាញ់ថែរក្សាការពារជីវិតមនុស្ស សត្វ រុក្ខជាតិ ធម្មជាតិព្រៃឈើនៅតំបន់អារ៉ែងជាដើម ហេតុនេះរដ្ឋាភិបាលកម្ពុជា គួរតែត្រេកអរ ស្វាគមន៍ អាឡិច ហើយក្រសួងមហាផ្ទៃត្រូវតែចុះឈ្មោះគាត់ចូលក្នុងបញ្ជីរ ស គឺផ្តល់ពានរង្វាន់កិត្តិយសជូនគាត់និងផ្តល់ទិដ្ឋាការជូនគាត់ឲបានរស់នៅបន្តដូចជនជាតិបរទេសដទៃទៀតនៅកម្ពុជាស្របទៅតាមច្បាប់ជាតិអន្តរជាតិផង ៕
Buddhism for Social ( Peace,Freedom,Human Rights,Justice )