មនុស្សជុំគ្នាចាប់ពី១០នាក់ ធ្វីពិធីបួងសួងដុតទៀនធូប ត្រូវតែបំបែកនិងចាប់ខ្លួន លោក សុខ ឈុនអឿង

សូមទស្សនាកុំខាន ! កម្ពុជាព្រះរាជាណាចក្រអច្ឆរិយ: មនុស្សជុំគ្នាចាប់ពី១០នាក់ ធ្វីពិធីបួងសួងដុតទៀនធូប ត្រូវតែបំបែកនិងចាប់ខ្លួន លោក សុខ ឈុនអឿង ។ ប៉ូលីសចាប់ខ្លួន លោក សុខ ឈុនអឿង រឿងដុតធូបបួងសួងដើម្បីសុខសន្តិភាពសេរីភាព២៣នាក់ នៅល្ងាចម៉ោង៤ថ្ងៃទី១៩មករា២០១៤នេះ អង្គការ សមាគម ប្រជាពលរដ្ឋ ប្រមាណជាង២០នាក់បានជួបជុំគ្នានៅមុខវត្តឧណ្ណាលោមក្រុងភ្នំពេញក្នុងគោលបំណងបង្ហោះប៉េងប៉ោង ដើម្បីសេរីភាពដោះលែងអ្នកជាប់ពន្ធនាគារទាំង២៣រូប មានលោក វ៉ន ពៅ លោក ថេង សាវឿន លោក ច័ន្ទ ពុទ្ធស័ក្តិ ជាដើម ប៉ុន្តែត្រូវបានកងកំលាំងប្រដាប់អាវុធក្រុងភ្នំពេញធ្វើការហាមប្រាមនិងបំបែកមិនអនុញ្ញាតិឲមានការធ្វើពិធីឡើយ ។ ម៉ោងជិត៥ល្ងាចក្រុមអង្គការ សមាគម ប្រជាពលរដ្ឋ ក៏បានទៅជួបជុំគ្នាម្តងទៀតនៅមុខព្រះអង្គដងកើ មុខព្រះបរមរាជវាំងដើម្បីធ្វើពិធីដុតទៀនធូបបួងសួងសុំសេចក្តីសុខដោះលែងអ្នកទាំង២៣រូប ប៉ុន្តែក៏ត្រូវបានអាជ្ញាធរប្រដាប់អាវុធមកទុបស្កាត់ហាមឃាត់រុញច្រានមិនអនុញ្ញាតិឲធ្វើទៀត ។ ប៉ូលីសខ័ណ្ឌដូនពេញដែលមានទាំងក្រុមជនស្លៀកពាក់ស៊ីវីលបានបិទមុខជិតហាក់ដូចជាចោរលួចចោរប្លន់និងជាមនុស្សមិនល្អអញ្ចឹង ក្រោមបញ្ជាររបស់លោក សុខ ប៉េងវុធ បានបញ្ជារឲដេញនិងរុញច្រានប្រជាពលរដ្ឋបើនរណាហ៊ានតដៃត្រូវដាក់ខ្នោះភ្លាមក្នុងនោះពួកគេទាំងនោះក៏បាននិយាយប្រមាទមើលងាយព្រះសង្ឃផងដែរ គេជេរសុទ្ធតែអាត្រងោល ស៊ីបាយអ្នកស្រុកបំផ្លាញសាសនាដោយគេចោទថាព្រះសង្ឃក្លែងក្លាយមកចេះដឹងអីរឿងគេនៅតែក្នុងវត្តមិនព្រមនៅទេ ។ ស្ថានការណ៍កាន់តែតឹងតែងទៅៗ ម៉ោង៥និង៣០នាទីឡាន២គ្រឿងបានដឹកប៉ូលីសប្រដាប់ដោយខែលនិងអាវុធក្នុងដៃមានគ្នាប្រហែលជា៥០នាក់ព្រមទាំងឡាន១គ្រឿងទៀតពាក់ផ្លាកលេខខេមរភូមិន្ទបានមកដល់ហើយមេទាហានម្នាក់បានចុះពីឡានខេមរភូមិន្ទចំណែកក្រុមប៉ូលីសទាំងនោះបានចុះដើរសំដៅទៅកន្លែងប្រជាពលរដ្ឋយ៉ាងលឿនហើយចាប់ទាញអូសលោក ឈុន អឿង ដែលជាអនុប្រធានលោក វ៉ន ពៅ នៃសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធដាក់លើឡានបើកចេញតាមមុខវាំងបាត់ស្រមោលឈឹងតែម្តងទៅមិនដឹងជាយកទៅទីណាទេ ។ គួរបញ្ជាក់ថា ប៉ូលីសរបស់រដ្ឋាភិបាលគណបក្សប្រជាជនបច្ចុប្បន្ននេះកាន់តែសាហាវទៅៗមិនដឹងខុសត្រូវទេគឺហាក់ដូចជាឆ្កែឆ្កួតចេះតែខាំមួយមុខប៉ុណ្ណោះ សូម្បីតែព្រះសង្ឃក៏ពួកនេះមិនលើកលែងដែរគឺដូចឆ្កួតអញ្ចឹង ។