Published on Jan 12, 2014
ម្តាយកុមារី ញ៉េន ស្រីម៉ី ដែលទើបតែមានអាយុ១៣ឆ្នាំ នៃសហគមន៍បុរីកីឡាបានរៀបរាប់អំពីទុក្ខលំបាកវេទនានៃភាពក្រីក្របូកផ្សំនិងភាពរងគ្រោះដោយសារការបណ្តេញចេញដោយបង្ខំពីលំនៅដ្ឋានទើបបានជាកូនស្រីគាត់គិតខ្លីមិនចង់រស់ហើយបានលេបថ្នាំប៉ុនប៉ងបញ្ចប់ជីវិតកាលពីថ្ងៃ១១មករា២០១៤ប៉ុន្តែត្រូវបានក្រុមគ្រូពេទ្យជួយសង្គ្រោះទាន់ពេល បច្ចុប្បន្នកុមារីកំពុងសំរាកព្យាបាលនៅនៅមន្ទីពេទ្យរុស្សីដែលស្ថានភាពជំងឺធ្ធ្ងន់ធ្ងរនៅឡើយ គាត់បានអំពាវនាវស្វែងរកជំនួយពីសប្បុរសជនដើម្បីជួយសង្គ្រោះអាយុជីវិតកូនស្រីគាត់ គួរបញ្ជាក់ថា គាត់មានកូនស្រី៤នាក់បងគេបង្អស់អាយុ១៥ឆ្នាំបន្ទាប់មកកុមារី ញ៉េន ស្រីម៉ី អាយុ១៣ឆ្នាំ ពួកគេមិនបានសិក្សារៀនសូត្រដូចក្មេងៗដទៃទេ ដោយដើររើសអេតចាយដើម្បីជួយជីវភាពគ្រួសារក្រោយការឈួសកំទេចបំផ្លាញផ្ទះទ្រព្យសម្បត្តិយកដីធ្លីពួកគេអស់ ពីការអភិវឌ្ឈន៌របស់រដ្ឋាភិបាល ។
គ្រួសារក្រីក្ររងគ្រោះដោយសារការអភិវឌ្ឈន៌របស់រដ្ឋាភិបាលដែលបណ្តាលឲសហគមន៍បុរីកីឡារងទុក្ខលំបាកខ្លោចផ្សារជាច្រើនឆ្នាំ អស់ផ្ទះអស់ដីបាត់បង់ការសិក្សារៀនសូត្ររបស់កុមារៗ ប៉ះពាល់ផ្លូវចិត្តផ្លូវកាយ បាត់បង់សិទ្ធិសេដ្ឋកិច្ច សង្គមកិច្ចនិងវប្បធម៌ប៉ុន្តែពួកគេបានស៊ូទ្រាំតស៊ូប្រយុទ្ធដើម្បីរស់ដោយបន្តការទាមទារស្វែងរកយុត្តិធម៌ពីក្រុមហ៊ុនផានអ៊ីម៉ិចនិងរដ្ឋាភិបាលដោយសង់ជាខ្ទមតូចៗប្រក់តង់កៅស៊ូជាច្រើនរយគ្រួសារ ។ កុមារី ញ៉េន ស្រីម៉ី គឺជាសកម្មជនសិទ្ធិមនុស្សសិទ្ធិលំនៅដ្ឋានដីធ្លីវ័យក្មេងដ៏សកម្មម្នាក់ក្នុងចំណោមក្មេងៗដទៃទៀតដែលតែងតែដើរចេញតវ៉ាជាមួយក្រុមគ្រួសារនិងសហគមន៍ដើម្បីស្វែងរកយុត្តិធម៌ពីក្រុមហ៊ុននិងរដ្ឋាភិបាលក្រសួងពាក់ព័ន្ធឲជួយដោះស្រាយដីធ្លីផ្ទះសំបែងជូនពួកគេអស់ជាច្រើនឆ្នាំកន្លងមកហើយ ប៉ុន្តែក្រុមហ៊ុន ផានអ៊ីម៉ិចនិងរដ្ឋាភិបាលនៅតែធ្វើព្រងើយកន្តើយមិនព្រមដោះស្រាយជូនគ្រួសារដែលនៅសេសសល់រាប់រយគ្រួសារទៀតដែលពុំទាន់បានសំណងពីការសាងសង់អាគារបន្ថែម២ទៀតទៅតាមកិច្ចសន្យារបស់ក្រុមហ៊ុននោះទេ ហេតុនេះហើយទើបកុមារីគិតខ្លីមិនចង់រស់នៅដោយទុក្ខលំបាកវេទនាគ្មានដីគ្មានផ្ទះគ្មានការសិក្សា ជាដើម ។
No comments:
Post a Comment