ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Sunday, October 21, 2018
បាតុកម្មគាំទ្រកិច្ចព្រមព្រៀងសន្តិភាពនៅមុខអាគាររដ្ឋសភាជាតិប្រទេសកាណាដា
ព្រះសង្ឃ ប្រជាពលរដ្ឋខ្មែរកាណាដា ក្រុមអ្នកគាំទ្រនិងមន្ត្រីតំណាងរាស្ត្រគណបក្សសង្គ្រោះជាតិ មកពីទីក្រុងនានា បានមកជួបជុំគ្នា នៅមុខរដ្ឋសភាជាតិ ទីក្រុង អូតាវ៉ា ដើម្បីធ្វើមហាបាតុកម្ម សំដែងមតិនិងដាក់ញត្តិជូនរដ្ឋសភាជាតិនៃប្រទេសកាណាដា ចាប់ពីម៉ោង១២រហូតដល់ម៉ោង៣រសៀលថ្ងៃទី២០តុលា២០១៨ ក្នុងគោលបំណង
១.គាំទ្រកិច្ចព្រមព្រៀងសន្តិភាពទីក្រុងប៉ារីស២៣តុលា១៩៩១ និងស្នើរសុំឲ្យប្រទេសជាហត្ថលេខី ជួយធានា ជំរុញ និងការពារសន្តិភាព សិទ្ធិសេរីភាពនិងប្រជាធិបតេយ្យនៅកម្ពុជា ឲ្យបានសុខជាពិតប្រាកដ ។
២.ស្នើរសុំឲ្យរដ្ឋាភិបាលប្រទេសកាណាដា កុំឲ្យទទួលស្គាល់រដ្ឋាភិបាលCPPដែលកើតឡើងដោយការបោះឆ្នោតក្លែងក្លាយនិងប្រជាធិបតេយ្យក្លែងក្លាយ និងស្នើរសុំឲ្យរដ្ឋាភិបាលប្រទេសនេះ បិទវីសា ទិដ្ឋាការ មន្ត្រីមានអំណាចរដ្ឋាភិបាលកម្ពុជាCPPនិងបក្សពួកដែលបានចូលរួមបំផ្លាញលទ្ធិប្រជាធិបតេយ្យនៅកម្ពុជា រួមទាំងស្នើរសុំរដ្ឋាភិបាលកាណាដា បង្កើតច្បាប់ បង្កកទ្រព្យសម្បត្តិឲ្យដូចសហរដ្ឋអាមេរីក ដែលបានបង្កើតច្បាប់ H.R.5754និងច្បាប់ S.2412 ផងដែរ ។ ៣.ទាមទារឲ្យរដ្ឋាភិបាលកម្ពុជាCPP ដោះលែង លោក កឹម សុខា អ្នកទោសមនសិការ អ្នកទោសនយោបាយ លុបចោល បទចោទប្រកាន់នានាលើអ្នកទាំងនោះ រួមទាំង លោក សម រង្សី ផងដែរ ។ ៤.ទាមទារឲ្យរដ្ឋាភិបាលCPPកម្ពុជា អនុញ្ញាតិឲ្យតំណាងរាស្ត្រ មន្ត្រី និង គណបក្សសង្គ្រោះជាតិបន្តសកម្មភាពនយោបាយឡើងវិញជាធម្មតា ស្របតាមគោលការណ៍លទ្ធិប្រជាធិបតេយ្យសេរីពហុបក្សដោយរៀបចំការបោះឆ្នោតឡើងវិញដោយសេរីត្រឹមត្រូវនិងយុត្តិធម៌ដ៏ពិតប្រាកដ ។
Subscribe to:
Post Comments (Atom)
No comments:
Post a Comment