ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Sunday, September 30, 2018
តោះចូលរួមការពារព្រៃឈើនិងដាំដើមឈើឡើងវិញដើម្បីសន្តិភាពនិងបរិស្ថានចាប់ផ្តើមពីខ្ញុំ
អង្គការស្ពានសន្តិភាព បានរៀបចំកម្មវិធីដាំដើមឈើប្រមាណជា២០០០ដើម នៅក្នុងតំបន់ ព្រៃការពារដែនជម្រកសត្វព្រៃ #ព្រៃឡង់ ស្ថិតនៅ ឃុំមានរិទ្ធិ ស្រុកសណ្តាន់ ខេត្តកំពង់ធំ ដោយបោះតង់ស្នាក់នៅក្នុងព្រៃមុខទីស្នាក់ការមន្ត្រីបរិស្ថាននិងក្បែរក្រុមហ៊ុនចំការកៅស៊ូវៀតណាម C.R.C.K ចាប់ពីថ្ងៃ២៣ដល់២៥កញ្ញា២០១៨ ។ ក្នុងពិធីដាំដើមឈើដែលសម្របសម្រួលសហការណ៍ឧបត្ថម្ភកម្មវិធីដោយអង្គការស្ពានសន្តិភាពនិងម្ចាស់ជំនួយនៃអង្គការដៃគូនេះ មានការចូលរួមពីព្រះសង្ឃ ប្រជាសហគមន៍ដីធ្លីព្រៃឈើ និង អាជ្ញាធរមូលដ្ឋាន ឃុំមានរិទ្ធិ ស្រុកសណ្តាន់ និង មន្ត្រីមន្ទីរបរិស្ថានខេត្តកំពង់ធំផងដែរ ក្រោមប្រធានបទ #សន្តិភាពនិងបរិស្ថានចាប់ផ្តើមពីខ្ញុំ ។ ទីតាំងដីដាំដើមឈើនោះគឺជាដីដែលរដ្ឋអំណាចបានដកហូតពីប្រជាពលរដ្ឋដែលបានចូលទៅកាន់កាប់ដាំដំណាំនានាមានដំឡូងមីជាដើម ក្រោយពីដីព្រៃទាំងនោះ ត្រូវបានកាប់បំផ្លាញព្រៃឈើអស់ទៅហើយ ទើបប្រជាពលរដ្ឋនាំគ្នាចូលទៅដាំដំណាំផ្សេងៗ តែក្រោយមកខាងអាជ្ញាធរ រដ្ឋអំណាចបានដកហូតមកទុកជាដីព្រៃវិញនៅចំណុចអូរងាវឆ្ងាយពីភូមិប្រជាពលរដ្ឋរស់នៅប្រមាណជា៥គីឡូម៉ែត្រ ។
Subscribe to:
Post Comments (Atom)
No comments:
Post a Comment