ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Tuesday, July 18, 2017
អំណោយបុណ្យ ខ្មែរជួយខ្មែរ ! ជួសជុលផ្លូវលំចាក់គ្រួសក្រហមភូមិភ្នៀតឃុំស្រុកជីក្រែងខេត្តសៀមរាប
សូមអនុមោទនាបុណ្យ ! ជំនួយមនុស្សធម៌ ខ្មែរជួយខ្មែរ ! ចាក់ដីគ្រួសក្រហមជួសជុលផ្លូវលំ នៅភូមិភ្នៀត ភូមិតារាម ភូមិគរ ឃុំជីក្រែង ស្រុកជីក្រែង ខេត្តសៀមរាប ។ បុណ្យរមែងចំរើនទាំងយប់ទាំងថ្ងៃដល់ជនទាំងឡាយណា ដែលបានកសាងផ្លូវ ធ្វើស្ពាន ជីកអណ្តូងទឹកស្រះ ដាំដើមឈើជាម្លប់និងកសាងទីសេនាសនៈទាន មានកុដិសាលាព្រះវិហារនិងកសាងផ្ទះជូនអ្នកក្រីក្រជាដើម ។
ម្ចាស់ដើមទានប្រធានដើមបុណ្យមាន ព្រះតេជគុណ ញ៉ ទេពមុនី នៅរដ្ឋ Connecticut.USA.50$, ។ ឧបាសក អ៊ា មេងឃាង និងឧបាសិកា អ៊ា ស៊ីវញ៉ិច និងកូនស្រី អ៊ា អ៊ីសាបែល និងកូនប្រុស អ៊ា ស៊ីវែន រស់នៅទីក្រុង Los Angeles.California.USA.260$ ឧទ្ទិសកុសលដល់លោកឪពុក អ៊ា ចេងស៊ុន និងអ្នកម្តាយ ង៉ោមី យិន ដែលបានទទួលមរណៈកាលទៅបរលោកខាងមុខ ។ ឧបាសក ឡូ ប៊ុនឡេង និងឧបាសិកា អៀប ឆៃគីម ព្រមទាំងកូនចៅ Santa Ana.California.USA.260 $ ។
ក្រុមស្ត្រីខ្មែរជួយខ្មែរនៃទីក្រុងស៊ីដនីប្រទេសអូស្ត្រាលី តាមរយៈអ្នកស្រី ង៉ូវ គីមអេង ហៅ ប៉ុក 210$ ។ សរុបទឹកប្រាក់នៅថ្ងៃ១៨កក្កដា២០១៧ដែល ព្រះតេជគុណ លួន សុវ៉ាត ទទួលបាន 770$ ក្នុងកិច្ចសហការណ៍រៃអង្គាសថវិកា ខ្មែរជួយខ្មែរ ! ដើម្បីជួសជុលផ្លូវលំខាងលើជូនប្រជាពលរដ្ឋដោយមិនរើសអើង មិនប្រកាន់និន្នាការគណបក្សនយោបាយណាមួយឡើយ ។ បញ្ជាក់តម្លៃគ្រួសក្រហមក្នុង១គោយន្តថ្លៃ ( ១២៥០០០រៀល=31$ ) ជាតម្លៃដែលមិនគិតបញ្ចូលឡានឈួសដីពង្រាបទេ គឺយើងប្រើប្រជាពលរដ្ឋក្នុងភូមិ និមួយៗជួយយកចបឈួសពង្រាបដីដោយខ្លួនឯង ក្នុងចំនួនទឹកប្រាក់ដែលសប្បុរសជនផ្តល់ជំនួយខាងលើ 770$ យើងទទួលបានដីជាង24គោយន្ត ។ ព្រះតេជគុណ លួន សុវ៉ាត និងផ្តល់ថវិកាខាងលើនេះទៅលោកមេឃុំនិងក្រុមប្រឹក្សាជំទប់ទើបនិងជាប់ឆ្នោតថ្មីមកពីគណបក្សសង្គ្រោះជាតិឲ្យជួយចាត់ចែង គ្រប់គ្រង និងជួយជួសជុលផ្លូវលំរបស់រដ្ឋខាងលើនេះ ប្រកបដោយធម៌មហាសាមគ្គី ! ខ្មែរតែ១ ! ខ្មែរជួយខ្មែរ ! ឲ្យមានសេចក្តីសុខ មានការរីកចំរើនរុងរឿងក្រោមម្លប់ព្រះពុទ្ធសាសនានិងការគោរពច្បាប់សិទ្ធិមនុស្សនិងប្រជាធិបតេយ្យសេរីពហុបក្សតរៀងទៅ ! ។ ទំនាក់ទំនងផ្តល់ជំនួយមនុស្សធម៌ ខ្មែរជួយខ្មែរ ! តាមរយៈព្រះតេជគុណ លួន សុវ៉ាត LUON SOVATH .Tel.012 83 83 22
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment