Wednesday, May 10, 2017
លោក ហ៊ុន សែន គំរាមធ្វើសង្គ្រាមជាមួយប្រជាពលរដ្ឋខ្មែរជាម្ចាស់អំណាច ម្ចាស់សន្លឹកឆ្នោត បើសិនជា គណបក្សប្រជាជនគាត់ចាញ់ឆ្នោតឆ្នាំ២០១៧និង២០១៨
លោក ហ៊ុន សែន គំរាមធ្វើសង្គ្រាមជាមួយប្រជាពលរដ្ឋខ្មែរជាម្ចាស់អំណាច ម្ចាស់សន្លឹកឆ្នោត បើសិនជា គណបក្សប្រជាជនគាត់ចាញ់ឆ្នោតឆ្នាំ២០១៧និង២០១៨ ??? ។ តើប្រជាពលរដ្ឋខ្មែរជាម្ចាស់អំណាច ម្ចាស់សន្លឹកឆ្នោត ម្ចាស់ទឹកដីប្រទេសជាតិក្នុងសង្គមប្រជាធិបតេយ្យ ត្រូវបោះឆ្នោតជូនគណបក្សនយោបាយណា បុគ្គលនាយករដ្ឋមន្ត្រីណា ដែលចូលចិត្តប្រើភាសាហឹង្សា គំរាមកំហែងរឿងធ្វើសង្គ្រាម កើតសង្គ្រាម ជំនាញឯកទេសរៀននៅសាលាសង្គ្រាម ឡើងកាន់អំណាចដោយសារសង្គ្រាម ឬបោះឆ្នោតជូនគណបក្សនយោបាយណា បណ្ឌិត បញ្ញវ័ន្តណា ដែលមានគោលការណ៍នយោបាយសន្តិភាព គោរពសិទ្ធិមនុស្ស ប្រកាន់យករបបប្រជាធិបតេយ្យសេរីពិតប្រាកដ ជំនាញខាងសេដ្ឋកិច្ច អភិវឌ្ឈន៍ប្រទេសជាតិឲ្យរីកចំរើនជឿនលឿនពិតប្រាកដ ????? ។ ១០ឧសភា២០១៧
------
ហ៊ុន សែន ត្រៀមធ្វើសង្គ្រាម
ជាសំដីសារភាពលើកដំបូងបំផុត ដែលចេញពីមាត់ផ្ទាល់ របស់នាយករដ្ឋមន្ត្រីកម្ពុជា ដែលមិនរង្គើពីអំណាច តាំងពីជាង៣ទសវត្សន៍មកហើយ។ លោក ហ៊ុន សែន បានថ្លែងឡើង ក្នុងឯកសណ្ឋានជាមេបញ្ជាការ កងទ័ពជាតិ ថាបើសង្គ្រាម«ផ្ទុះឡើង ក៏ផ្ទុះទៅចុះ» តែលោកត្រូវតែទប់ស្កាត់ ទោះក្នុងតម្លៃណាក៏ដោយ ទល់នឹងចលនាប្រឆាំង ដែលធ្វើឲ្យខូចដល់សណ្ដាប់ធ្នាប់សាធារណៈ ក្នុងអំឡុងពេល និងក្រោយពេលការបោះឆ្នោតសាកលទាំងពីរ នាពេលខាងមុខ។
បើគ្រាន់តែ ដើម្បីរក្សាសណ្ដាប់ធ្នាប់សាធារណៈ លោក ហ៊ុន សែន បានព្រមានថា លោកសុខចិត្តឲ្យ«សង្គ្រាមផ្ទុះក៏ផ្ទុះទៅចុះ» តែលោកនឹងមិនសុខចិត្ត ឲ្យចលនាពលរដ្ឋ ដែលមាននិន្នាការប្រឆាំង ប្រព្រឹត្តិនូវអំពើខុសច្បាប់ ដូចជាការ«ដុតឡាន» ឬការរារាំង«ពលរដ្ឋ មិនឲ្យបោះឆ្នោត» នោះឡើយ។ នាយករដ្ឋមន្ត្រីកម្ពុជា ដែលមានអតីតភាព ជាទាហានខ្មែរក្រហម និងជាជនកុម្មុយនីស ស្និតនឹងប្រទេសវៀតណាម បានថ្លែងដូច្នេះ នៅព្រឹកថ្ងៃទី១០ ខែឧសភានេះ ក្នុងពិធីអបអរសាទរខួប១០ឆ្នាំ នៃទិវាអតីតយុទ្ធជនកម្ពុជា ដែលធ្វើឡើង នៅមជ្ឈមណ្ឌលសន្និបាត និងពិព័រណ៍កោះពេជ្រ កណ្ដាលរាជធានីភ្នំពេញ។
នៅចំពោះអតីតយោធិនជាច្រើនរយនាក់ លោក ហ៊ុន សែន បានប្រើប្រាស់ពេលជាច្រើនម៉ោង ក្នុងនាមជានាយករដ្ឋមន្ត្រី និងជាអគ្គមេបញ្ជាការកងទ័ពជាតិ ដើម្បីរៀបរាប់ពីគុណសម្បត្តិ នៃការដឹកនាំច្រើនទសវត្សន៍ របស់លោក និងគណបក្សប្រជាជនកម្ពុជា។ នៅទីបំផុត លោកបានសរុបសេចក្ដីថា៖ «គណបក្សប្រជាជន[កម្ពុជា] ត្រូវតែឈ្នះឆ្នោត នៅគ្រប់ការបោះឆ្នោតទាំងអស់»។
នាយករដ្ឋមន្ត្រី ដែលមិនរង្គើចេញពីតំណែង តាំងពីជាង៣០ឆ្នាំមកនេះ បានព្រមានសុខចិត្តឲ្យផ្ទុះសង្គ្រាមថា៖ «សូមកុំភ្លេច ថ្ងៃ២៨ ខែកក្កដា [ឆ្នាំ២០១៣] មិនទាន់ទាំងដឹងលទ្ធផលផ្លូវការផង ឆេះឡានអស់ប៉ុន្មាន នៅស្ទឹងមានជ័យ? អ្នកឯងធ្វើសកម្មភាព ច្រើនទីកន្លែង មិនឲ្យពលរដ្ឋចូលបោះឆ្នោត។ តែដើម្បីថ្នាក់ថ្នមសភាពការណ៍ យើងអត់ធ្មត់ មិនធ្វើសកម្មភាព។ តែកុំភ្លេចថា ២០១៧ និង២០១៨ បើសកម្មភាពពួកអ្នកឯងរបៀបនេះ កម្លាំងប្រដាប់អាវុធ ត្រូវចេញបង្ក្រាបភ្លាម បើផ្ទុះសង្គ្រាម ក៏ឲ្យវាផ្ទុះទៅចុះ។»។
«ថ្ងៃបុណ្យខ្មោច...»
លោក ហ៊ុន សែន បានព្រមានលោក កឹម សុខា ប្រធានគណបក្សសង្គ្រោះជាតិ ដោយចំមុខ ថាបើនៅតែហ៊ានធ្វើរឿងទាំងនោះ ថ្ងៃនេះគឺថ្ងៃបុណ្យខ្មោច របស់ប្រធានគណបក្សប្រឆាំងរូបនេះ ជាមិនខាន។ បុរសខ្លាំងកម្ពុជា បានថ្លែងថា៖ «អត់មានទុកឲ្យមកដុតឡាន បំផ្លាញសណ្ដាប់ធ្នាប់សាធារណៈនោះទេ។ មិនទាន់ទាំងឈ្នះ [ឆ្នោត] ផង បែរជាបង្កើតហេតុទៅហើយ។ បន្ទាប់ពីនោះ ធ្វើបាតុកម្ម "ហ៊ុន សែន អើយ ចុះចេញទៅ"។ ខ្ញុំបាននិយាយ ជាមួយ កឹម សុខា ដោយផ្ទាល់ នៅនឹងរដ្ឋសភា "ខ្ញុំថា ម៉េចឯកឧត្ដម បើមិនចុះ មានតែអង្រួនឲ្យចុះ"។ ខ្ញុំបានចង្អុលមុខគាត់ (...) ខ្ញុំថាឯកឧត្ដម បើសិនជាឯកឧត្ដមធ្វើ [ដូច្នេះ] ថ្ងៃនេះ គឹថ្ងៃបុណ្យខ្មោចឯកឧត្ដមទេ។ សុំ កុំព្រហើន!»។
Read more at http://monoroom.info/news/post/7992#x9WbptIOKTHWlKhp.99
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment