Thursday, March 30, 2017

សហគមន៍ព្រៃឈើក្បែរជើងភ្នំឱរ៉ាល់នាំគ្នាលើករូបថតនាយករដ្ឋមន្ត្រី ហ៊ុន សែន ឲ្យជួយការពារដីធ្លីព្រៃឈើ

សហគមន៍ព្រៃឈើនៅក្បែរជើងភ្នំឱរ៉ាល់លើករូបថតនាយករដ្ឋមន្ត្រី ហ៊ុន សែន ស្នើរសុំឲ្យជួយការពារទឹកដីព្រៃឈើសហគមន៍ដែលរងការរំលោភបំពានយកពីអ្នកមានអំណាច https://youtu.be/jKQ7Vk88xgE ប្រជាពលរដ្ឋនៅភូមិ ពោធិមាស ហៅស្រែច្រាប ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ នាំគ្នាលើកស្លាករូបថតសម្តេចតេជោ ហ៊ុន សែន នៅលើព្រំប្រទល់ផ្ទៃដីព្រៃឈើសហគមន៍ឧត្តមស្រែពស់ ដែលកំពុងរងការរុករានទន្ទ្រានយកដីព្រៃសហគមន៍ធ្វើជាដីកម្មសិទ្ធិឯកជននៃបក្សពួកអ្នកមានលុយអំណាច ។ ក្នុងបដាដែលប្រជាពលរដ្ឋលើកស្លាកក្រៅពីមានរូបថតសម្តេចតេជោ ហ៊ុន សែន ហើយគឺមានរូបភាពព្រៃឈើសហគមន៍ដែលនៅសេសសល់បន្តិចបន្តួចក្បែរជើងភ្នំឱរ៉ាល់ដែលប្រជាពលរដ្ឋការពារថែរក្សាទុកជាប្រយោជន៍ជាតិសាសនាទឹកដីព្រៃព្រឹក្សាមនុស្សសត្វជាសម្បត្តិរួមនិងមានសរសេរអក្សរដាក់ថា សូមសម្តេចតេជោ ហ៊ុន សែន ជួយការពារទឹកដីព្រៃឈើ សហគមន៍ព្រៃឈើនៅ ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺផង ! ទីណាមាន សម្តេចតេជោ ហ៊ុន សែន ទីនោះ ត្រូវតែមានព្រៃឈើគង់វង្ស ! ។ ពាក្យស្លោកខាងលើនេះដោយសារតែប្រជាពលរដ្ឋខិតខំការពារទឹកដីព្រៃឈើនៅទីនោះស្ទើរអស់លទ្ធភាពការពារហើយ ព្រោះអ្នកដែលមករំលោភកាប់បំផ្លាញដីព្រៃនៅទីនោះធ្វើជាកម្មសិទ្ធិឯកជន គឺជនអ្នកមានអំណាចដែលគេអះអាងថាជាមេកងពល ង៧០ ដែលគេមានបក្សពួកអ្នកមានអំណាចជួយការពារ ហើយគេបានព្យាយាមយកអាត្រាក់ទ័រនិងយកថ្នាំពណ៌ក្រហមដើរបាញ់និងបោះបង្គោលក្រាក់ព័ទ្ធជុំវិញដីព្រៃនិងមកឈូសឆាយស្ទើររាល់ថ្ងៃ តែត្រូវបានប្រជាពលរដ្ឋហាមឃាត់ទុបស្កាត់ទាន់ ប៉ុន្តែគេនៅតែអះអាងថាគេនិងយកដីព្រៃនោះឲ្យបាន បើអ្នកណាហ៊ានតវ៉ាគេនិងចាប់ដាក់គុក ជាដើម ទើបប្រជាពលរដ្ឋភ័យខ្លាចព្រួយបារម្ភខ្លាចបាត់បង់ទឹកដីព្រៃឈើសហគមន៍ដែលខំការពារដីនៅសេសសល់តិចតួចនោះបាត់បង់ដូចដីព្រៃឈើសហគមន៍មុនៗទៀត ។ ៣០មិនា២០១៧ "Non-Violence Overcome All Obstacles"

No comments:

Post a Comment