ផ្តល់ជំនួយមនុស្សធម៌ខ្មែរជួយខ្មែរដល់ប្រជាពលរដ្ឋក្រីក្ររងគ្រោះព្រោះការបណ្តេញចេញនៅសហគមន៍ភ្នំបាត

ព្រះតេជគុណ លួន សុវ៉ាត នាំយកជំនួយមនុស្សធម៌ បុណ្យខ្មែរជួយខ្មែរ ! បុណ្យខ្មែរសង្គ្រោះខ្មែរ ! ពីជនរួមជាតិខ្មែរអាមេរីកកាំងនៅទីក្រុង Seattle.Washington State.USA ដែលមានអ្នកស្រី សួន សុភាព និងគ្រួសារ 520$ និងរៃអង្គាសញាតិមិត្តបុគ្គលិកធ្វើការងារនៅក្នុងក្រុមហ៊ុនហាងកាត់ដេរ សុខ ហុង បាន480$ទៀត សម្រាប់ទិញជាអង្កនិងបែងចែកជាថវិកាជួយសង្គ្រោះដល់ជនក្រីក្ររងគ្រោះក្នុងបញ្ហាសង្គមនៅកម្ពុជា ។ ព្រឹកថ្ងៃ៣១មិនា២០១៧នេះ ព្រះអង្គបានបែងចែកផ្តល់ជំនួយមនុស្សធម៌របស់បងប្អូនជនរួមជាតិខ្មែរអាមេរីកកាំងមួយចំនួនជួយសង្គ្រោះដល់ប្រជាពលរដ្ឋក្រីក្ររងគ្រោះព្រោះការបណ្តេញចេញដោយបង្ខំពីលំនៅដ្ឋានពីសហគមន៍បុរីកីឡាក្រុងភ្នំពេញឆ្នាំ២០១២ចំនួន១៤០គ្រួសារឲ្យមករស់នៅសហគមន៍ភ្នំបាត ឃុំផ្សាដែក ស្រុកពញាឮ ខេត្តកណ្តាល ដោយក្នុងមួយគ្រួសារៗទទួលបានថវិកា២០០០០រៀលស្មើរនិង5$និងចែកជូនដល់កុមារីកុមារាតូចៗម្នាក់១០០០ពាន់រៀលចំនួនជាង៥០នាក់និងសិស្សសាលាថ្នាក់ទី៦ដល់ទី៩ចំនួនជាង១០នាក់ម្នាក់ៗ១០០០០រៀលនិងជនពិការ៣នាក់ម្នាក់ៗ៤០០០០រៀលបន្ថែមមួយចំនួនទៀតផងដែរ ។ អាយុ វណ្ណៈ សុខៈ ពលៈ កើតមានដល់លោកអ្នកម្ចាស់ទានប្រធានបុណ្យបានសុខចំរើនដោយសិរីសួស្តីឆ្នាំថ្មីកុំបីខាន ! ។។។ "Non-Violence Overcome All Obstacles"