ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Thursday, March 31, 2016
ប្រជាពលរដ្ឋទាមទារឲរដ្ឋាភិបាលបញ្ឈប់ការលុបបឹងធម្មជាតិយកដីដើម្បីអភិវឌ្ឈន៍
សហគមន៍រងគ្រោះព្រោះការអភិវឌ្ឈន៍ដីធ្លីនៅក្នុងរាជធានីភ្នំពេញ ធ្វើការតស៊ូមតិដើម្បីយុត្តិធម៍បឹងធម្មជាតិ សិទ្ធិលំនៅដ្ឋានដីធ្លី នៅលើគំនរភ្នំវាលខ្សាច់ដែលស្ថិតនៅក្នុងតំបន់បឹងកក់ពីអតីតកាល បច្ចុប្បន្នបាត់បឹងកក់ក្លាយជាបឹងខ្សាច់ បឹងដុល្លា បឹងអាគារ ជាដើម ។ ការជួបជុំគ្នានេះក្នុងគោលបំណងផ្ញើរសារដាក់ញត្តិទៅរដ្ឋាភិបាលនិងរដ្ឋសភាជាតិ កុំឲលុបបឹងធម្មជាតិតទៅទៀត ព្រោះការលុបបឹងនាំឲលេចទឹកក្នុងទីក្រុងនិងបាត់បង់សម្បត្តិធនធានធម្មជាតិ ហើយពេលអភិវឌ្ឈន៍ ត្រូវគោរពសិទ្ធិមនុស្ស សិទ្ធិលំនៅដ្ឋានដីធ្លី សិទ្ធិបឹងធម្មជាតិ ជាដើម ។ ការប្រមូលផ្តុំនៅលើវាលខ្សាច់បឹងកក់ចាប់ផ្តើមពីម៉ោង៨ព្រឹកដោយបានធ្វើពិធីផ្សេងៗមានដោតផ្កាឈូកលើគំនរខ្សាច់ និមន្តព្រះសង្ឃសូត្រធម៌និងការអានខ្លឹមសារញត្តិដែលត្រូវយកទៅដាក់ជូនរដ្ឋសភាជាតិ បន្ទាប់មកប្រជាសហគមន៍បានដើរដង្ហែរក្បួនចេញពីតំបន់បឹងកក់ក្នុងគោលបំណងឆ្ពោះទៅរដ្ឋសភាជាតិដើម្បីដាក់ញត្តិតែត្រូវបានសមត្ថកិច្ចរារាំងហាមឃាត់មិនឲដើរដង្ហែរក្បួនក្រោមហេតុផលថាធ្វើឲកកស្ទះចរាចរណ៍បង្កអសន្តិសុខសង្គម ប៉ះពាល់របៀបរៀបរយសណ្តាប់ធ្នាប់សាធារណៈជាដើម ។ ៣១មីនា២០១៦
"Non-Violence Overcome All Obstacles"
Subscribe to:
Post Comments (Atom)
No comments:
Post a Comment