៤កក្កដា២០១៣
ប្រជាពលរដ្ឋអ្នកភូមិបឹងកក់ខាងក្រុមAដឹកនាំដោយអ្នកស្រី ទេព វន្នីដែលតែងតែទាមទាតវ៉ា រកយុត្តិធម៌រៀងរាល់ដងកន្លងមកបានធ្វើសន្និសីទកាសែតនៅក្នុងតំបន់បឹងកក់ កាលពីម៉ោង៩ព្រឹកក្នុងគោលបំណង
ទី១ គឺលទ្ធផលការចូលជួបចៅហ្វាយក្រុងថ្មីលោក ប៉ា សុជាតិវង្ស និងកូននាយករដ្ឋមន្ត្រី ហ៊ុន សែន កន្លងមកខាងសាលាក្រុង គេសំណូមពរឲប្រជាពលរដ្ឋឈប់ធ្វើកាតវ៉ាតទៅទៀតទើបគេ ដោះស្រាយដីធ្លីជូន ។
ខាងអាជ្ញាធរតម្រូវឲខាងសហគមន៍ទទួលយកគោលការណ៍ខាងអាជ្ញាធរដោះស្រាយជូនគឺឲពួកគាត់ចាកចេញពីដីតំបន់បឹងកក់ទៅទទួលយកដីថ្មីផ្ទះថ្មីនៅតំបន់ផ្សេង ។ ប្រជាពលរដ្ឋបានហៅការដំណោះស្រាយរបៀបនេះគឺជាការដើរថយក្រោយ ព្រោះការទាមទាតវ៉ាកន្លងមកពួកគាត់មិនមែនទៅទាមទាយកដីធ្លីអ្នកដទៃទេ គឺទាមទាការពារតែដីធ្លីផ្ទះខ្លួននៅតំបន់បឹងកក់តែប៉ុណ្ណោះ ហើយទាមទាឲខា ងអាជ្ញាធរបោះព្រំដី១២.៤៤ ហិចតាដែលរដ្ឋាភិបាលបាន ចេញអនុក្រិត្យកាត់ ដីទាំងអស់នេះជូនទៅប្រជាពលរដ និងចែកប្លង់កម្មសិទ្ធិជូនគ្រួសារណាដែល មិនទាន់មានប្លង់ប័ណ្ណកម្មសិទ្ធិព្រមទាំងដាក់បញ្ជូលឈ្មោះ៤៨គ្រួសារទៀតដែលត្រូវបានក្រុមហ៊ុនអាជ្ញាធរកាត់ចោលពីដីតំបន់បឹងកក់ឲដាក់បញ្ជូលទៅក្នុងគ្រួសារដែលត្រូវបានទទួលដី១២.៤៤ហិចតានោះវិញផងដែរ ។
ទី២គឺបកស្រាយអំពីការឆ្លើយតបទៅនិងការចោទប្រកាន់ពីក្រុមអតីតសកម្មជនបឹងកក់ក្រុមBដែល
ធ្លាប់តែរួមសុខរួមទុក្ខ ជាប់គុក អស់ផ្ទះអស់ដីស្រែកយំស្វែងរកយុត្តិធម៌ ជាមួយគ្នា ប៉ុន្តែឥឡូវបែជាត្រូវបែកបាក់គ្នាហើយបានធ្វើសន្និសីទកាសែត ផ្សាយតាមទូរទស្សន៍របស់ រដ្ឋស្ទើរគ្រប់ប៉ុស្តិ៍ចោទប្រកាន់ទៅក្រុមAរបស់សហគមន៍បឹងកក់ដែលដឹកនាំចូលរួមដោយអ្នកស្រី ទេព វន្នី ថា ធ្វើដើម្បីប្រយោជន៍ផ្ទាល់ខ្លួន ពុករលួយ ផ្តាច់ការ ជាដើមឡើងទៅ ។ ក្រុមA អ្នកស្រី ទេព វន្នី បានសំដែងការសោកស្តាយនិងអាណិតអាសូរ ជាខ្លាំងទៅលើក្រុមB ដែលមានឪកាសបាន ចូលនិយាយក្នុងទូរទស្សន៍ហើយមិននិយាយពីការបាត់បង់ដីធ្លី រងគ្រោះ ជាប់គុកច្រវាក់បែក បាក់ក្រុមគ្រួសារផ្សេងៗដោយសារការអភិវឌ្ឈន៍របស់រដ្ឋាភិបាលនិងក្រុមហ៊ុន ដែលបានប្រើ ហឹង្សារំលោភសិទ្ធិមនុស្សសិទ្ធិលំនៅដ្ឋានដីធ្លីឈូសកំទេចផ្ទះពួកគាត់និងអ្នកភូមិបឹងកក់ជាដើម បែជាទៅនាំគ្នានិយាយរឿងវ៉ៃប្រហារចោទប្រកាន់មកលើសហគមន៍ដែលជាអ្នករងគ្រោះដូចគ្នាទៅ វិញដែលជាហេតុផលអាចឲសហគមន៍នៅតែបន្តរងគ្រោះដោយសាបែកបាក់សាមគ្គីផ្ទៃក្នុងនិងធ្វើឲក្រុមហ៊ុនមន្ត្រីពុករលួយមួយចំនួនបានចិត្តរឹងរិតតែធ្វើបាបរាស្ត្រ បណ្តេញចេញដោយ បង្ខំពីលំនៅដ្ឋានតទៅទៀត ។
អ្នកខ្លះទៀតបានលើកឡើងថានេះជាការបំបែកបំបាក់របស់រដ្ឋាភិបាលនិងក្រុមហ៊ុនដើម្បីបញ្ឈប់ការតវ៉ារបស់អ្នកភូមិដោយឲទន្ទឹងតែដេករង់ចាំដំណោះស្រាយយុត្តិធម៌ដែលជាង៥ឆ្នាំមកហើយនៅតែមិនទាន់ដោះស្រាយចេញហើយពួកគាត់បានចោទទៅលើក្រុមBថាប្រហែលជាជឿសំដីអាជ្ញាធរដែលសន្យាថាកុំចេញតវ៉ាបើតវ៉ាគេមិនដោះស្រាយឲទេ ទើបពួកគាត់នៅស្ងៀមស្ងាត់ដេករង់ចាំយុត្តិធម៌ធ្លាក់ពីលើមេឃមកឲពួកគាត់ ហើយអ្នកខ្លះទៀតលើកឡើងថា ជារឿងទំនាស់បុគ្គល ទំនាស់ផ្ទៃក្នុងនិងការច្រណែននិន្ទាគ្នា និងការចុះចូលជាមួយក្រុមហ៊ុនអាជ្ញាធរលក់ឧត្តមគតិជាដើម ។
ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Subscribe to:
Post Comments (Atom)
No comments:
Post a Comment