ន្ត្រីបរិស្ថានចូលទៅដកហូតឈើ៤ដុំយកចេញពីវត្តប្រាសាទបឹងសសរវៀច

#មន្ត្រីបរិស្ថាន​ ចូលទៅដកហូតយកឈើ៤ដុំចេញពីក្នុង #វត្តប្រាសាទបឹងសសរវៀច​ ដែលឈើនោះញាតិញោមប្រគេនព្រះសង្ឃសម្រាប់កសាងវត្ត ស្ថិតនៅ #ភូមិស្រោង​ #ឃុំខ្វាវ​ #ស្រុកជីក្រែង​ #ខេត្តសៀមរាប​ នៅថ្ងៃ២៩-៣០មីនា២០២១ នេះ ។ ចំណែកគ្រឿងចក្រ អេស្កាវើទ័រ១គ្រឿង ដែលអ្នកមានលុយមានអំណាចអាចនៅពីក្រោយ កំពុងកាយដីព្រៃនៅជាប់និងខឿនប្រាសាទបុរាណ ដែលព្រះសង្ឃខំថែរក្សាការពារដីព្រៃនិងដាំដើមឈើឡើងវិញនិងដីបរិវេណប្រាសាទកុំឲ្យបាត់បង់ បែជា មន្ត្រីបរិស្ថាននិងអាជ្ញាធរដែនដី មន្ត្រីអប្សរា ជាដើម ហាក់បីដូចជា មើលមិនឃើញ នៅការរុករានទន្ទ្រានកាន់កាប់ដីព្រៃនិងដីប្រាសាទបុរាណដោយខុសច្បាប់ទាំងនោះទេ បែជា ទៅមើលឃើញឈើ៤ដុំដែលនៅក្នុងវត្តឯណោះវិញ ។ ព្រះសង្ឃជាលោកគ្រូចៅអធិការវត្តស្នើរសុំបិណ្ឌបាត្រមន្ត្រីក្រសួង ស្ថាប័ន រដ្ឋាភិបាល អាជ្ញាធរ ដែនដីគ្រប់លំដាប់ថ្នាក់ សូមជួយចូលរួមថែរក្សាការពារដីព្រៃនិងដីបរិវេណជុំវិញប្រាសាទបុរាណនេះផង ព្រោះព្រះសង្ឃខំថែរក្សាការពារគឺដើម្បីជាប្រយោជន៍រួម ប្រយោជន៍រដ្ឋ ប្រយោជន៍ជាតិសាសនាទឹកដីព្រៃព្រឹក្សារបស់ជាតិខេមរាយើងទាំងអស់គ្នាទេ ប៉ុន្តែ ខ្លាចក្រែងតែព្រះសង្ឃការពារមិនឈ្នះអ្នកបំផ្លាញទេ ហើយម៉្យាងទៀត ខ្លាចក្រែងតែគេមកធ្វើបាបព្រះសង្ឃទៀតក៏មិនដឹងផងដែរ ។ ប្រភពវីដេអូ ហ្វេសប៊ុក វត្តប្រាសាទបឹង សសរវៀច