ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Monday, November 30, 2020
គម្រោងធម្មយាត្រា២៥ខេត្តក្រុងដោយថ្មើរជើងជាលើកទី២នៃព្រះភិក្ខ ចាន់ ភើយ
ប្រគេន និងចំរើនពរ! ( អត្ថបទ Facebook The Moon )
ខ្ញុំព្រះករុណា អាត្មាភាព ចាន់ ភើយ (ចាន់ រំភើយ) សូមប្រគេន និងជូនដំណឹងដល់ព្រះករុណាគ្រប់ព្រះអង្គ និងសម្តេច ទ្រង់ ឯកឧត្តម ញាតញោមពុទ្ធបរិស័ទទាំងអស់ឲ្យបានជ្រាបជាមុនថា នៅថ្ងៃចន្ទ ០៧ រោច ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៧ ធ្នូ គ.ស. ២០២០ ខាងមុខនេះ។ ខ្ញុំព្រះករុណា អាត្មាភាពនឹងធ្វើដំណើរធម្មយាត្រាជាលើកទី២(ធម្មយាត្រា ២៥ ខែត្រ-ក្រុង)*ដោយថ្មើរជើង*តាមការតាំងសច្ចា និងការដៅរបស់ខ្លួន ។
ធម្មយាត្រាលើកទី២នេះ ខ្ញុំព្រះករុណាអាត្មាភាពមានគោលបំណងសំខាន់ៗ ៥ គឺ៖
ក. ដើម្បីធ្វើការអធិដ្ឋាន
ខ. ដើម្បីផ្លាស់ប្ដូរការរង់ចាំ
គ. ដើម្បីសិក្សាពីបរិបទសង្គម
ឃ. ដើម្បីឈ្វេងយល់និងបង្កើនទស្សនៈថ្មីៗ និង
ង. ដើម្បីផ្សាយមេត្តាដល់សព្វសត្វ។
អាស្រ័យដូចបានប្រគេន ជូនដំណឹងខាងលើ សូមសម្ដេចសង្ឃទាំងពីរគណៈ ព្រះមន្រ្តីសង្ឃគ្រប់ព្រះអង្គ ព្រះមេគណ ព្រះអនុគណ ព្រះចៅអធិការ និងភិក្ខុ សាមណេរគ្រប់អង្គ។ ធម្មការគ្រប់ខែត្រ-ក្រុង ស្រុក-ខណ្ឌ។ មួយអន្លើ អភិបាលក្រុង អភិបាលខែត្រ អភិបាលស្រុក មេឃុំ មេភូមិ មេប៉ុស្ដិ៍ មេប៉េអឹម ។ល។ គ្រប់ឋានានុក្រមទាំងអស់មេត្តាជ្រាបជាព័ត៌មាន។
បញ្ជាក់៖ ទីតាំងចេញដំណើរ វត្តឧណ្ណាលោម(កុដិលេខ១០ កន្លែងស្នាក់អាស្រ័យ) សង្កាត់ជ័យជំនះ ខណ្ឌដូនពេញ រាជធានីភ្នំពេញ។ តាមបណ្ដោយផ្លូវជាតិលេខ៦ និងឆ្ពោះទៅកាន់ខែត្រកំពង់ចាមជាដំបូងគេ និងបន្តបន្ទាប់។
«ខ្ញុំគឺខ្ញុំ ដែលខ្ញុំស្ថាបនា ប៉ុន្តែខ្ញុំស្ថាបនាតែខ្ញុំដែលពិតប្រាកដជាខ្ញុំ ខ្ញុំដែលពិតប្រាកដជាខ្ញុំនោះ មិនមែននៅក្រោយខ្នងខ្ញុំទេ ប៉ុន្តែនៅពីមុខខ្ញុំ មិនមែនខ្ញុំក្នុងថ្ងៃនេះទេ ប៉ុន្តែគឺខ្ញុំដែលនឹងទៅជាខ្ញុំ គឺខ្ញុំដែលខ្ញុំបានប្ដេជ្ជាក្នុងចិត្តគិតគូរស្ថាបនាឲ្យបានសម្រេចជាខ្ញុំ»។(...)
គេកំពុងរង់ចាំខ្ញុំ! ទេ!គឺខ្ញុំទេឆ្ពោះទៅរកគេ! គេគឺគេ ខ្ញុំគឺខ្ញុំ! ខ្ញុំមិនដូចគេទេ ដូច្នេះការផ្លាស់ប្ដូរការរង់ចាំរបស់ខ្ញុំគឺដើម្បីបានជួបគេ! ជួបគេមិនមែនឲ្យគេជួយទេ គឺខ្ញុំជួយខ្លួនខ្ញុំ! ខ្ញុំមិនមែនខ្ញុំក្នុងថ្ងៃនេះទេ គឺខ្ញុំដែលនឹងទៅជាខ្ញុំ! ហើយវាមិននៅក្រោយខ្នងខ្ញុំទេ គឺនៅពីមុខខ្ញុំ!!!
Subscribe to:
Post Comments (Atom)
No comments:
Post a Comment