ព្រះពុទ្ធសាសនាបានក្លាយជាគ្រឹះយ៉ាងមាំសំរាប់កម្ពុជា។ គេហទំព័រនេះនឹងចែកចាយពត៌មានទាក់ទងនឹងព្រះតេជគុណព្រះ គ្រូលួន សាវ៉ាតដែលកិច្ចការនិងសកម្មភាពរបស់ព្រះអង្គទាក់ទងនឹងការលើកស្ទួយសុខមាលភាព និងយុត្តិធម៌សង្គម ដោយក្រុមអ្នកស្រឡាញ់ព្រះពុទ្ធសាសនាខ្មែរ។
Buddhism has been the main foundation of Cambodia. This blog will attribute to Preah Krou Venerable Luon Sovath whose works and activities are engaging and promoting social wellness and justice by the group of Khmer Buddhist devotees.
Tuesday, March 12, 2019
ទិដ្ឋភាពទូទៅក្នុងពិធីបុណ្យឆ្លងសាលារៀនបឋមសិក្សាខ្មែរជួយខ្មែរភូមិស្ទឹងជ្រៅ
#ខ្មែរជួយខ្មែរ ព្រះតេជគុណ លួន សុវ៉ាត #ព្រះសង្ឃវត្តស្លែង និង #ប្រជាពលរដ្ឋភូមិស្ទឹងជ្រៅ ព្រមទាំងពុទ្ធបរិស័ទជនរួមជាតិខ្មែរទាំងក្នុងនិងក្រៅប្រទេស បានរួមសាមគ្នីគ្នាកសាងសាលារៀនបឋមសិក្សាស្ទឹងជ្រៅ ដែលមានបណ្តោយ១៧ម៉ែត្រ ទទឹង៧ម៉ែត្រ កសាងពីលើទឹកបណ្តែតក្បូនដើមឬស្សីជាង៥០០ដើម គ្រឿងលើឈើ ប្រក់ដំបូលនិងជញ្ជាំងបាំងស័ង្កសី ដែលចំណាយថវិកាសរុបផ្សេងៗផងអស់ប្រមាណជា១០០០០ដុល្លាអាមេរីក ។ សាលារៀនបឋមសិក្សាខ្មែរជួយខ្មែរនេះគឺស្ថិតនៅ #ភូមិស្ទឹងជ្រៅ #ឃុំអន្លង់សំណរ #ស្រុកជីក្រែង #ខេត្តសៀមរាប ជាភូមិបណ្តែតទឹក សាលារៀនបណ្តែតទឹក ក្បែរមាត់បឹងទន្លេសាបប្រមាណជា១០គីឡូម៉ែត្រក្នុងរដូវប្រាំងចំណែករដូវវស្សាគឺជាផ្ទៃជលសានៃបឹងទន្លេសាបទាំងមូល ។ ដំណើរការដឹកនាំកសាងប្រើពេលប្រមាណជាង១ខែដោយកម្លាំងពលកម្មរបស់លោកមេភូមិនិងប្រជាពលរដ្ឋក្នុងភូមិចូលរួមដោយស្ម័គ្រចិត្តហើយបានកសាងរួចរាល់នៅថ្ងៃទី៨ខែមីនាឆ្នាំ២០១៩ បន្ទាប់មកក៏បានធ្វើពិធីបុណ្យឆ្លងដោយមានព្រះសង្ឃវត្តស្លែងនិងព្រះសង្ឃវត្តមាត់ខ្លាជាអធិបតី មានពិធីសូត្រមន្ត ទេសនា វេរចង្ហាន់ប្រគេនព្រះសង្ឃ ពិធីសំណេះសំណាល និង ពិធីចែកសម្ភារ:សិក្សានិងថវិកាផងដែរដល់កុមារីកុមារាប្រមាណជា១២០នាក់ នាថ្ងៃសៅរិ៍ ទី៩ ខែមីនា ឆ្នាំ២០១៩ ។ សូមថ្លែងអំណរគុណនិងជូនបុណ្យកុសលបានដល់ពុទ្ធបរិស័ទជនរួមជាតិខ្មែរទាំងក្នុងនិងក្រៅប្រទេសដែលបានចូលរួមធ្វើបុណ្យជួយកសាងសាលារៀននេះដើម្បីជាការរួបចំណែកអភិវឌ្ឍន៍ធនធានមនុស្សផង ដើម្បីជាប្រយោជន៍ ជាបុណ្យកុសលនាំមកនូវសេចក្តីសុខចម្រើនទាំងជាតិនេះទាំងជាតិខាងមុខផង សូមបានសម្រេចបុណ្យកុសល អាយុ វណ្ណ: សុខ: ពល: បដិភាណ: និងសម្បត្តិ៣ប្រការ សម្បត្តិមនុស្ស ទេវតា ព្រះនិព្វាន កើតមានដល់លោកអ្នកដែលមានសទ្ធាជ្រះថ្លា ឧបាសិកា គី សុភិន ព្រមទាំងកូនចៅនៅក្រុងបាត់ដំបងមានសទ្ធាជ្រះថ្លាជាង៧០០០ដុល្លា ។ ឧបាសិកា គី ប៊ុនថានី និងគ្រួសារព្រមទាំងបុត្រ Manteca.California.USA.៥០០ដុល្លា ។ ឧបាសិកា អ្នកគ្រូ ជីវ យ៉ា ក្រុងបាត់ដំបង ៥០០ដុល្លា ។ ឧបាសិកា ហូ វ៉ាន់ណៃ និងកូនចៅ ក្រុងភ្នំពេញ ៥០០ដុល្លា ។ លោក តាំង សៀង និងញាតិមិត្តទីក្រុងម៉ុងរេអាល់ ប្រទេសកាណាដាមានសទ្ធាជ្រះថ្លាទិញសម្ភារ:សិក្សានិងចែកថវិកា៥០០០រៀលក្នុងសិស្សម្នាក់ៗផងដែរ ព្រមទាំងពុទ្ធបរិស័ទជនរួមជាតិខ្មែរទាំងក្នុងនិងក្រៅប្រទេសផ្សេងៗទៀតដែលមិនបានរៀបរាប់ឈ្មោះអស់ សូបបានបុណ្យកុសល សុខចម្រើនទាំងអស់គ្នាតរៀងទៅ សូមអនុមោទនា ! ។
Subscribe to:
Post Comments (Atom)
No comments:
Post a Comment